السلام عليكم ورحمه الله وبركاته
ازيك يااحلى مدونة فى الدنيا انا اول مره انزل موضوع هنا رغم انى عصوه بقالى كتير بس بصراحه من شطاره العضوات اللى هنا خفت يكون اكلى جنبهم ولا حاجه بس النهارده قلت اجرب وامرى لله ويارب الاكل يعجبكوا
هعمل النهارده الكبسه السعودى بطريقتى ومعلش اعذرونى انا مكنتش عامله حسابى اعمل موضع عشان كده مظبطتش المقادير قوى بس خاولت اصور الخطوات عشان نوضح اكتر
اول حاجه هنعملها نسمى الله كده ونستعين بالله وتنوى خير كده ان الاكل اللى هتعمليه ده لوجه الله تعالى وانك بيه بترضى الله وزوجك وتحتسبى النيه وان شاء الله حتى لو اكلك مش قد كده ربنا هيعينك والاكل يطلع تحفه رغيت كتير يلا بسم الله الرحمن الرحيم
اول حاجه عملتها اللحمه ده كتف ضانى الجزار قطعه قطع كويسه كده جبتها وغسلتها كويسه قوى وجهزتها وجبت الحله وحطيت فيها معلقه زيت صغيره لان زوجى ممنوع عنه الزيوت والدهون الكتير ربنا يشفيه ومستكه وبصله صغيره وشوحت اللحمه ووبعدها جبت بصله صغيره تانيه وقطعتها وعليها قرفه وورق لورا وحبهان مطحون انا بحب احطنه عشان يدى نتيجه احلى فى الطعم وفلفل اسود وليمون ناشف على فكره الليمون ده انا اللى عملاه فى البيت بيدى طعم روعه بجد للاكل ومتحطيس ملح عشان اللحمه تستوى بسرعه ونزلت بده كله على اللحمه وقلبت تقلبتين ونزلت بالميه لحد ماتغطى اللحمه ولما غلت شلت الريم وسبتها تستوى
ده طبق الاضافات اللى ضفتها على اللحمه
شفتو الحبهان وهو مطحون على الوش ازاى وطعه يجنن
بعد كده بدات اعمل صنيه بطاطس كالتالى
بصله وقطعتها شرايح وتوم مفروم وملح وفلفل وكمون ونقطه زيت ودعتهم مع بعض جامد عشان البهارات تدخل فى البصل حلو وتكون احلى وبعد مادعكتها كويس قوى حطيت جزر بيدى طعهم جميل لصنيه البطاطس ودعكت تانى وحطيت معلقتين صلصه وميه وسبتها تستوى
ودلوقتى نشوف اللحمه الحمد لله كانت استوت ماشاء الله استوت بسرعه ظبطت الملح بتاعها و نطلعها ونصفيها ونسيب الشوربه نستعملها فى الكبسه
ونروح نجهز الكبسه فى حله نبشر بصله ونحط عليها معلقه زيت ونشوحها لحد ماتصفر ونحط عليها توم مفروم ونشوح وبعد ماريحه التوم تطلع ننزل عليها
بالاضافات بتاعتنا بهارات كبسه وعوديت قرفه وحبهان صحيح وقرن فلفل اخضر وورق لورا ولمون ناشف برده ونحطهم على البصل والتوم ونقلب لحد ماتطله ريحه البهارات كانت تحفه ماشاء الله وادى الصور
وبعد كده نزلت عليها بطاطميه مبشوره وقلبت ونزلت اللحمه وقلبت كويس قوى وبعد حطيت الرز وكنت نقعاه فى ميه صفيته وحطيته على اللحمه لحد ماكله اتقلب مه بعضه كويس قوى وحطيت الشوربه لكل كوبايه رز كوبايه ونصف ميه عشان الرز ده بياخد ميه زياده شويه
ونوطى عليه ونسيبها تستوى براحتها وبعد ماتستوى جبت بورده الزعفران ورشيت شويه صغيرين على الوش وقلبت كله مع بعضه بقى كده
وبعد كده سخنت فحمه وحطيت ورقه فويل صغيره ونزلت على طرف المعلقه سمنه ضغيره قوى وغطيت الحله عشان الريحه تطلع على الكبسه بتبقى واااااااااااو
وكده خلاص الكبسه بقت جاهزه
تاتاتاتاتاتاتاااااااااااااااااااااا
ودى صوره البطاطس بعد ماخلصت واتحمرت
وده طبق رز بشعريه لابنى اصله مش بيحب اى اكل دخيل على الاكل المصرى مطلع عينى ربنا يهديه
وكده انا خصلت الحمد لله يارب الاكل يعجبكم
مش هوصيكم بقى انتوا شايفين الاكل قدامكم اهو لو عجبكم ردوا عليا وقيمو دى اول مره هنا واول مره اعمل كبسه بلاش تكبسونى بقى وقوليلى رايكم بصراحه اعملها لحماتى لما تيجى ولا لا
معلش انا فى غربه وكل جهازى فى مصر وده حجاتى فى الغربه مانا مش هجهز نفسى مرتين هههههه
واخيرا بقى دعوه لزوجى ربنا يشفيه ويرزقه برزقنا ويهون علينا غربتنا ويباركلنا فى بنتى وابنى ويجعلهم من حفظه القران الكريم ويكونوا من الناحجين باذن الله
على فكره جوزى اللى حملى الصور لانى اول مره عاوزه تشجيع بقى
سلام عليكم ياحلويين باااااااااااااااى
مواضيع هذا القسم برعاية
ام على 1 ام على 1 434149_3.gif سوبر فتكات Fatakat 434149 القاهره – مصر