يا بنات لكل الى بيحبوا البيف ستيك تعالى اقولك تعمليه ازاى وبطريقة سهلة جدا
المكونات :
نصف كيلو لحمة بيف فيلتوا مقطعة قطع مستطيلة او الشكل الى تحبيه
صوص براون ( صوص اللحوم من كنور ) ب 3.50 جنيه وموجود فأى سوبر ماركت
4 فصوص توم
معلقة سكر صغيرة
معلقتين ملح
مقدار فلفل اسود مقدار بهارات
طماميتين
كوب لبن او الافضل كريمة لبانى بس لو مش عندك ممكن لبن
معلقة نشا كبيرة
معلقة زبدة
3 معالق زيت ذرة كبيرة
3 حبات مشروم
الطريقة :
تدق اللحمة بظهر السكينة عشان تفتحى المسام بتاعتها
تبليها بالفلفل الاسود والبهارات ومعلقة ملح وابشرى عليها طماميتين
حطيها فى الثلاجة 3 ساعات
تكونى فى الفترة دى جهزتى البراون صوص الى هنحطه عليها
ازاى بقى هنجهزوا ؟؟
بصى يا قمر
فرغى محتويات الكيس ف نص لتر ماء وحطيها على النار واول ما تغلى وطى عليها النار خالص وتحطى الكريمة اللبانى لو حطيتى كوباية اللبن بدالها يبقى تدوبى معلقة النشا فربع كوباية ماية واتأكدى انكك دوبتيهم خالص عشان متكلكعش
حطيها على الصوص وسيبهم على النار وقلبى كل شوية كدة لمدة 10 دقايق لربع ساعة ضيفى على الصوص معلقة السكر الصغيرة ومعلقة ملح وقلبى الخليط قطعى المشروم قطع طوليه وسيبه يتقلب معاها بعد كدة ارفعيه من على النار واتركيه حتى يهدأ
جهزى الطاسة الى هتقليها فيها حطى الزيت والسمنة واما يسخنوا تكونى مصفيها من التتبيلة الى كانت فيها وبعدين تحطيها فى الطاسة حمريها كويس بس متحرقيهاش و حمرى معاها توم بس مش مفروم عشان ميتحرقش وممكن تطشيه برا وتحطيه عليها بعد ماتتحمر
وبعد ما تحمريها اشويها او حطيها فى الفرن بس المرة دى اشويها حلو اوى بعد كدة حطى عليها البراون صوص وبالهنا والشفا
لسة مجرباها امبارح وعجبت اهلى جدا يارب تعجبكم انتو كمان مواضيع هذا القسم برعاية
cleopatra186 cleopatra186 705502_1.gif فتكات جديدة Fatakat 705502 cairo – egypt