ازيكم يا فتاتيك عاملين ايه النهارده طيب طابخين ايه النهارده
انا النهارده عملت صينيه لحمه بس طلعت حلوه اوى وكمان سريعه دى احلى حاجه فيها يلا ندخل على الشغل
المكونات
5بصلات مقطعين ريش
كيلو لحم
5طماطمات مقطعين حلقات
فلفلتين اخضر شرايح
معلقتين خل وعصير ليمونه
3بطاطس مقطعه مكعبات عريضه يعنى نقسمها اربعه بالطول والعرض عشان تكون تخينه
فلفل اسود وملح وبهار لحمه ورق لورى وحبهان
الطريقه باه نتبل اللحمه بالملح والفلفل والتوابل وننخلط معاهم البصل
نفرد الصينيه بورق فويل ونحط اللحمه وفوفقها البصله والطماطم الحلقات ومكعبات البطاطس والفلفل الاخضر بعدين ندوب 3 معالق صلصه فى كوبايه ميه سخنه ونرشهم على الصينيه ونقفلها المومنيوم من على الوش وعلى الفرن لمده ساعتين حراره 200 افتحى بعد ساعه وشوفى عشان لو الميه نشفت شويه وبعد السوا هتاكلى احلى لحمه طريه وطعمها جنان وايه من غير ولا معلقه زيت وبالف هنا ودى قبل السوا
وده بعد السوا
يلا بسرعه قولولى رايكم ايه ولما اعمل زيكم باه متنسوش التقييم مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه