النهاردة عملت ع الفطار كفتة بالبشاميل بس عملتها ع الضلمة ههههههههههه
اصل الكهربا قطعت وانا لسه هحمرها هههههه
المهم الكهربا رجعت علشان ليكو نصيب تشوفوها بالصور وبجد والله تحفة
وعجبت زوجي جدااااااااااااااااااااا وقالي اديكي امتياز مش جيد جدا ..وهو نادرا لما يعجبه حاجة هههههههه
حتى مريم وحفصة عجبتهم اوي
كفاية رغي
المقادير والطريقة:
الكفتة:
لحم مفروم
بصلة مفرومة
بقسماط مطحون
بيضة
لبن
ملح وفلفل وبهارات لحمة
الطريقة:
نخلط المكونات دي مع بعض كويس اوي ونعملها كور
وبعدين نقليها في الزيت ولما تتحمر نركنها
البشاميل:
بصلة مفرومة
دقيق
لبن
ماء
مكعب ماجي
الطريقة:
نصفر البصلة وبعدين نضيف الدقيق
ولما يتحمر نضيف اللبن والميه مع التقليب المستمر علشان ميكلعكش
وبعدين نفرك مكعب الماجي عليها وهي بتغلي
ملحوظة مهمة:
البشاميل دا بيبقى خفيف مش تخين زي بشاميل الصواني
في الآخر نضيف كور الكفتة ويادوب غلوتين بس علشان متفكش
تقدم مع المكرونة الاسبجيتي بتبقى تحفة
بس معلش كان المغرب اذن فملحقتش ازوقها وادمها بشكل حلو
لكن هي بتتزين بالبقدونس المفروم بتبقى روعة
ويا سلام عليها في العزومات تشرف بجد
وبالهنا والشفا
لو عجبتكم متبخلوش برد حلو وتقييم احلى
بالذات ان دا اول موضوع ليا في قسم الطبخ
وكل عام وانتو بخير
مواضيع هذا القسم برعاية
ريحانة بدر ريحانة بدر 130985_11.gif فتكات غالية قوي Fatakat 130985 الجيزة – مصر (التي في خاطري وفي فمي …أحبها من كل روحي ودمي)