السلام عليكم ورحمه الله وبركاته
وحشتوونى قولت لما اتلكك باى وصفه عشان اتواصل معاكوا
ههههههههههههه
النهارده كتبالكوا وصفات للمشويات للفتوكات عشان احنا جامدين اووووووووووى
نبدأ بقه البسوا مريله المطبخ سموا بالله على البركة
* الفراخ المشويه:
تجيبى الفرخه وتغسليها كويس جدا لازم لما تشميها متبقاش ريحتها فراخ كده تبقى اتغسلت كويس ( تتغسل بالخل والملح والدقيق )
تتبليها ببصله ناعمه وملح وفلفل وملعقه عسل او سكر اختيارى ( ملعقه شطه وقرنفل صغيرة) القرنفل بيدى ريحه حلوة
المهم تسبيها بتاع 4 ساعات او من قبلها بليله وبعدها تاخديها بتتبيلتها وعليها طمطمايه مبشورة وتعمليها كباب حله ( كباب الحله توضع الفرخه فى حله وعليها شوية ميه صغيرين تتسلق فيهم الميه حوالى ربع كوبايه وعليها شويه ملح وفلفل)
ولما تستوى كويس خالص حطى شويه صويا صوص لو معندكيش خلى الفراخ تاخد لون المحروق على خفيف او المتشوح من الجنبين
اما بعد كده انك تشويها على الفحم مش هتاخد 3 دقائق لانها هتبقى مستويه او انك فى نفس الحله تحطى قشره بصل وعليها شويه زيت وفحمه مولعه وغطيها هتدى ريحه المشوى جربوها وهتعجبكوا اوووووووووووووووووى ان شاء الله جربوا وقولولى
* الكفته المشويه:
1/2 ك لحمه مفرومه عليهم حبه برغل ملو ايدك كده منقوع فى ماء 1/2ساعه ومتصفى كويس وتفل بصله صغيرة ناعمه وعليهم حته ليه خروف اد مكعب الدجاج الحاتى بره بيحطها متخفيش جميله جدا وجربى وملح وفلفل وكمون وبهارات لحمه تتلف كويس وتترك 4 ساعات او من قبلها بليله
التسويه كباب حله وبعدها يا اما على الشوايه او بالفحمه فى الحله وجربوا وقولولى
مواضيع هذا القسم برعاية
om mohymen om mohymen فتكات رائعة Fatakat 604561 القاهرة – مصر