السلام عليكم يافتكات اخبارك ايه انشاء الله تكونى بخير انا عملت فراخ بصوص الصويا وكانت تحفه ونفسى تجربوها وتبلغونى رائيكم ايه لان عندى وصفات كتيرة انشاء الله هقولكم عليها المهم طريقه الفراخ المقادير:نصف كيلوفراخ شرائح وتقطيعها مكعبات +فلففل الوان يعنى احمر واخضر واصفر وممكن من كل حبه واحده +2فنجان صوص صويا غامق من الماركت وبيكون مكتوب عليه غامق او فاتح+ربع كيلوجزر مكعبات ومسلوق وتحتفظى بمياة السلق +بصل اخضر او كرات +3 معلقه نشا+معلقتين سكر + فنجان صغير خل(ممكن ملح بس خذى بالك من الصوص لانه بيكون ف
الطريقه نغسل الفراخ ونصفيها ثم نضعها فى طبق ونضع عليها صوص الصويا ومعلقه سكر ونصف كميه الخل ومعلقه نشا ونغطيها ونتركها حوالى من ساعه الى ساعتين فى الثلاجه وبعد كده نحضر طاسه كبيرة ونضع فيها شويه زيت وعليه البصل الاخضر او الكرات (الراس فقط) وعندما يذبل نضع عليه الفراخ المنقوعه ولكن من غير الميه المنقوعه فيها لانها بتكون زفرة ولذلك حاولى تأخذى الفراخ وانتى بتصفيها ونقلب لمده عشرة دقائق ثم نحضر كوب ونضع فيه نفس كميه التتبيله بتاعت الفراخ والمرة دى هنضعها على الفراخ وهى فى الطاسه ولما الفراخ تستوى نضع عليها الفلفل المقطع وتسبيه حسب اختيارك فى سوى الفلفل لان فى ناس بتحب الفلفل المقرمش شويه وبعدين اخر حاجه هنضع عليها الجزر المسلوق وممكن تستعملى الميه بتاعت الجزر فى تخفيف الصوص لو كان ثقيل ولو عايزة الصوص يبقى ثقيل ضعى معلقه نشا ولكن ذوبيها فى ميه بارده وبعدين ضعيها على الفراخ والصوص وبالهنا والشفاء وممكن تأكليها بالكسكسى بتكون جميله قوى انا بجيب الكسكسى من الماركت وبعمله بالطريقه المكتوبه على العلبه مواضيع هذا القسم برعاية
هلينا هلينا فتكات نشيطة Fatakat 596755 القاهرة – جمهوريه مصر العربيه
سبحان الله و بحمده