السلام عليكم ورحمة الله وبركاته
بصوا يابنات انا اول مرة اعمل موضوع فى القسم ده فعايزة تشجيع جامد جدا عشان استمر معاكوا
كيلو كوسة
12كيلو لحمة مفرومة
2حبة طماطم وفلفل رومى
بهارات ملح وفلفل
بصلة كبيرة للعصاج
اما بالنسبة لمقادير البشاميل
4معالق دقيق
4معالق سمن
نص كيلو لبن
مكعب مرق
رشة ملح وفلفل
الطريقة
اول حاجة بنقطع الكوسة وبعدين نغسلها كويس وبعد كدة نشوحها فى شوية زيت ذرة صغيرين لحد ماتدبل وبعد كدة نحطلها شوية بهارات ملح وفلفل
بعد كدة بنعمل العصاج بنجيب بصلة كبيرة ونشوحها فى شوية زيت حلوين ولما تدبل نضيف اللحمة المفرومة والفلفل الرومى المتقطع قطع صغيرة ونقلب شوية وبعد كدة نضيف الطماطم المقطعة صغير والبهارات ونقلب شوية لحد ماتستوى خالص
بعد كدة بنعمل البشاميل زى طبعا ماكلكم عارفين طريقته
بعد كدة بنجيب الصينية ونحط مغرفتين بشاميل فى القاع و بعد كدة بنحط نص الكوسةبعد كدة بنحط مغرفتين بشاميل تانى فوق الكوسة
بعد كدة حنحط اللحمة المفرومة
وبحطلها برده مغرفتين بشاميل عليها
وبعد كدة بحط بقية الكوسة وعليها باقى البشاميل كله
وبعد كدة بدخلها الفرن على نار هادية وبكون مسخناه شوية قبل ماادخلها
وده شكلها بعد ماطلعت من الفرن
وطبعا ده مطبخى فى الغربة فمعلش بقى الادوات مش قد كدة بس اهى مقضية الغرض
وياريت ترفعولى الموضوع بدعوة حلوة
وبالله عليكم ماتنسوش التقييم عشان انا تعبت قوى فى تنزيل الصور
اشوفكم على خير فى اكلة جديدة لو عجبتكم دى ……………
مواضيع هذا القسم برعاية
اسلام وسيف كل حياتى اسلام وسيف كل حياتى 650970_4.gif سوبر فتكات Fatakat 650970 الاسكندرية – مصر