السلام عليكم ورحمه الله وبركاته
ازيكم يا فتوكات يا حلوات
ان شاء الله تكونوا بخير وسعيدات
النهارده هوريكوا طريقة الكوسة اليوناني
بجد تحفة وخفيفة وسريعة
نبدأ
1. هاتي كمية الكوسة اللي تحبيها واغسليها واسلقيها مع ملح وفلفل اسود ومرقايه.
2. رصي الكوسة المسلوقة في صينية التقديم.
3.شوحي اربع فصوص توم مفروم ومعاهم بصلتين مقطعين لحد ما يدبلوا علة النار.
4. ضيفلهم حوال 6 طمطمايات كبيرة مقطعة مكعبات.
5. ضيفي مرقاية وملح وفلفل و سيبيها على النار حوالي 5 دقايق لحد ما الطماطم تنزل مايتها وتتطري وبعدين اطفي عليها.
6. غطي الكوسة بالطماطم.
7. زينيها بالبقدونس.
قولولي رأيكم يا حلوين
ومتنسوش التقييم مواضيع هذا القسم برعاية
basmalah_s basmalah_s فتكات رائعة Fatakat 550888 القاهرة – مصر