السلام عليكم يا احلى فتوكات بمناسبة موسم القلقاس الجميل اية رايكو تجربوا القلقاس بالصلصة انا عارفة ان اغلب الاسكندرانية بيعملو القلقاس بالسلق لكن عندنا فى الصعيد قبل ما اجوز وااجى اسكندرية كنا بنعملة بالصلصة وكلام فى سركم جوزى من ساعة ما اجوزت وداقة من ايدى بطل ياكل اللى بالسلق وبيقول علية اكل عاينين المهم من غير رغى كتير ندخل على المقادير كيلو قلقاس كيلو الا ربع طماطم لفة كزبرة خضرا شوربة بصلة مبشورة كبيرة فصين ثوم معلقة سمن فى الغالب انا بعمل الاكل نى فى نى يعنى بضرب الطماطم فى الخلاط وبعدين بحط عليها البصل واسيبها تتسبك شوية لكنلوعايزة تحمرى البصلة وبعدين تحطى عليها الطماطم المعصورة مفيش مشكلة وسبيها تتسبك شوية وبعدين زوديها حوالى كوب شربة وبعد ما تقطعى القلقاس مكعبات اغسلية كويس بماء دافئ وبعدين حطية على الصلصة بعد ما تزودى الشربة وسبية لما يستوى قطعى الكزبرة الخضرا وافرميها مع فصين الثوم كويس وفى معلقة سمن حمريهم كويس لغاية ما تسمعى سوط خشخشة الكسبرة بس من غير ما تتحرق وبعدين طشيها على القلقاس ودوقى احلى قلقاس وادعو للصعايدةمعلهش مصورتش لانى مكنتش عاملة حسابى انى انزل الموضوع دا ومتنسوش تدعولى انا واولادى وزوجى بالرزق ولوالدى بالرحمة::
مواضيع هذا القسم برعاية
ghada75 ghada75 فتكات نشيطة Fatakat 295851 alex – egypt
سبحان الله و بحمده