السلام عليكم ورحمة الله
أزيكم حبايبى الفتوكات وحشتونى كتتتتتتتتتتتتتتتتتتتتير
أنا عملالكم النهاردة أكلة موفرة وجميلة أوووووووووووووووووووووووووووى
وخفيفة بنفس الوقت وكل مكونتها فالبيت
وتنفع بعيش او ارز
البتنجان المسبك والبطاطس المتبلة
ودى صورة تشويقية
معلش مصورتش الخطوات بس هشرح الطريقة
عدد واحد بتنجان رومى حجم كبير
عدد نص كيلو طماطم
عدد اربع فصوص ثوم مدقوق
عدد بصلاية مقطعة صغير
فلفل اسود كمون ملح
معلقة سمنة بلدى ودة السر فالطعم
اولا ناخد البصلة ونشوحها عالنار لغاية متصفر ونضيف الثوم
وبعدين نعصر الطماطم فالخلاط ونضفها على البصلة والتومة
ونغطى عليها لغاية متتعصج كويس
نجيب البتنجان ونقشرة مضلع مش كلة يعنى فهمنى يكون بالطول
ونقطعة مكعبات ونضيفة للصلصة بتعتنا ونضيف ملح وفلفل وكمون ونسيبة يستوى
ونغرف فالطبق بالشكل دة
نيجى بقة للبطاطس المتبلة
هنجيب البطاطس الصغنونة الى هية مدورة
وهنسلقها عادى بقشرها وبعدين نقشرها ونقليها فالزيت
ونجهز التتبيلة بتعتها الى هية عبارة عن
اربع فصوص توم
واحد فلفل اخضر حامى او بارد
ملح كمون شطة حمراء
وندق كل دة وبعدين وبعدين نضيف لهم شوية خل
وبعد منطلع البطاطس على طبق مفروش بالبقدونس
نرش التتبيلة دى عليها ومقلكيش على الريحة ماشاء الله
ودى صورتها
نيجى للارز انا بطبحة مصفى بنقعة واغلية غلوة واصفية
واهدى علية النار خالص وفلاخر حطى علية سمنة وممكن تضربية فى بعضة
وهيبقى خفيف وجميل ودى صورتة
[IMG]https://files2.fatakat.com/2015/5/14004189388997.jpg[/IMG
وعملت بيض مسلوق وحمرتة وقطعت طماطم وخيار ودى الصورة
ودى الصورة النهائية
ودى كمان
ودة الحلو مهلبية وزوقتها بالشيكولاتة المبشورة
يارب الاكل يعجبكم متنسونيش بدعوة حلوة وبسعة الرزق الحلال
مواضيع هذا القسم برعاية
وردة الاسلام 2024 وردة الاسلام 2024 458378_2.gif فتكات رائعة Fatakat 458378 كفر الشيخ – مصر