حبايبي الفتوكات .. انا على طول بتابع الاكلات الرووووعة اللي بتعملوها
وبعملها كمان وبتتطلع فعلا تحفة .. لكن عمري ما نزلت موضوع قبل كدا
ودي اوووول مرة انزل فيها موضوع ياريت ماتكسفونيش بقى ويعجبكم
اول حاجة صورة للمكونات: باذنجان .. لحمة مفرومة .. فلفل الوان .. بصل .. طماطم .. بهارات .. جبنة رومي
بعد كدا عصجت اللحمة ببصلة قطعتها صغير والبهارات (فلفل..قرفة..كاري وقبل الاخر ضفت الملح)
واللحمة ع النار قطعت الباذنجان لمكعبات متوسطة الحجم (وهنا السر) مش شرائح
وقطعت كمان الفلفل لمكعبات
والطماطم حطيتها في الخلاط علشان اعمل الصلصة للمسقعة (بسبك الطماطم ببصلة ومكعب
مرقة دجاج وبحط معلقتين صلصة + فلفل وملح حسب الرغبة) وطبعا قرن شطة كدا لزوم التحابيش هههه
هنا بقى بعد ما حمرت الباذنجان .. بس يبقى لونه ذهبي ..
وبعد كدا جبت طاجن بايركس وحطيت فيه رشة صلصة من تحت ورصيت الباذنجان
وبعدين فوقه الفلفل الالوان وبعدين اللحمة المفرومة وبعدين بقى رشيت باقي الصلصة كلها
وحطيت رشة جبنة رومي بعد ما عملتها في الكبة .. الجبنة بتدي طعم حلو اوووي
وعلى الفرن بقى .. يكون متسخن قبلها
وبتقعد حوالي نص ساعة لحد ما الصلصة تتقل وتتسبك كويس
ودا شكلها بعد ما طلعت .. والريحة روووعة والطعم اروع
ان شاء الله لو جربتوا الطريقة دي هتعجبكم اوي
وادعولي
ومعلش الصور بتتطلع كبيرة مش عارفة ليه
اول مرة بقى هههههه مواضيع هذا القسم برعاية
قلب من نور قلب من نور 478636_1.gif فتكات رائعة Fatakat 478636 الرياض – السعودية