السلام عليكم جميعا عاملين ايه يااااارب تكونوا بخير نبدأ بسم الله
المكونات: 3 بصلات -كيلوا وربع طماطم-كمون صحيح -سمن- 2ملعقة سمن بلدي-زيت تحمير -شبت وكسبرة وبقدونس اخضر-ارز -ملح-شطة (حسب الرغبة)-2 مكعب ماجي-بتدنجان طبعا وفلفل رومي .
الطريقة : هكتبلكوا الطريقة وبعدين الصور ورا بعضها ان شاء الله
نقطع البصل ونحطه ع النار مع سمن او زيت لحد مايصفر
نضيف الطماطم ولما تتسبك نضيف التوابل الملح والماجي والشطة وفلفل اسود مطحون والكمون مهم جدا كمون متنقي وصحيح ودي تكتي انا هيستوي ويبقى طعمه جميل واللي هيدوق المحشي بتاعك هيسألك ايه الطعم الغريب ده بجد بيديله طعم رهيييب وبعدين لما يتبك ويبقى تمام هنضيف الارز المتنقي ومغسول ومتصفي كمان وبعدين الخضرة المغسولة والمقطعة والتكة التانية بعد مانقلب الخلطة نضيف معلقتين السمن البلدي في الخلطة وننزلها من ع النار كده الخلطة تمام .
نيجي بقى للبتدنجان بعد مانقوره ونغسله كويس هنحط شوية زيت ع النار ونحمر البتدنجان المتقور ونحمره نصف تحميرة اه هيبقى جميل ونشيله بسرعة ونحطه على صينية واسعة وبعيد عن بعضه عشان مايستويش ع الاخر ودي تكتي التالته هتخلي البتدنجان بعد مايستوي طري وطعمه جميل جدا وبعدين نحشيه عادي ونحطه ع النار ونضيف الشوربة (تكون مغلية) واول غلوتين ونوطي ع الاخر ونسيبه يستوي على نار هادية (عشان ما يتهريش ماتنسوش ان البتدنجان متحمر قبل كده ) وبعد مايكمل سواه بالف هنا وشفا وامانه تقيمو موضوعي نفسي لو موضوع واحد يبقى مميز واللي تدخل امانة عليها تدعيلي انا وجوزي وابني ويرزقنا بشقة عاجلا وليس اجلا قولوا امين واسيبكم مع الصور
بعد ماقلبت الخلطة وحطيت معلقتين السمن البلدي اهو ع الوش بيتلمع لو تلاحظوا
هنا حطيته في الزيت عشان اقليه نصف قليه او بمعنى اصح اشوحه
ده شكله بعد التشويحة في الزيت واخدين بالكم مفرقاه عن بعضه ازاي
هنا حشيته وحطيته ع النار شايفة الطعامة والله برافوا عليكي يابت يابوسي
ودي صورة تانية توضيحية
والطبق ده لكل فتوكة هتقيملي وتدعيلي وترد عليا كمان غير كده اللي هيمد ايده هكهربهفاهمين هههههههههههههههه
اوعوا تنسوا التقيم في رعاية الله
مواضيع هذا القسم برعاية
Bosy.UmMozy Bosy.UmMozy 569603_1.gif فتكات متميزة Fatakat 569603 القاهرة – مصر