المقادير :
نص كيلو كوسة للمحشى
ربع كيلو بطاطس صغيرة ومدورة
بتنجان مكبب مقلى قلية خفيفة " لون دهبى "
لوبيا مسلوقة
ربع كيلة لحمة مفرومة
بنص جنيه خضرة محشى
عصير طماطم تقريبا 3 طماطم متوسطة
معلقين رز كبار مغسولين
عصير طماطم يكفى لتسوية صينية التورلى
البهارات : ملح وفلفل وكمون ونعناع ولو عاوزة تضيفى اى انواع تانية براحتك اانا عموما بزود بهار لحمة مع رشة صغيرة قرفة
الطريقة :
هنقور الكوسة والبطاطس هنقورها برضو ونحفرها من النص
هنقلى البتنجان قلية خفيفة يكون لونه دهبى كدا ونشيل حوافه السودا قبل القلى ويكون فيه ملح عادى
هنجيب الرز نحط عليه اللحمة المفرومة والبهارات وخضرة المحشى والتوابل وعصير ال 3 طماطم او صلصلة مع معلقتين سمنة
وهنحشى الكوسة والبطاطس بالخلطة دى
هنفرش صينية باللى طلع من تقوير الكوسة والبطاطس وبعدين هنرص الكوسة على شكل دايرة ونحط البطاطس فى النص ونحط فى الفراغات بينهم لوبيا والباقى من الخلطة اللى حشينا بيها دى ونغطى الوش بالبتنجان المقلى
بعدين نحط عليها عصير طماطم ( نكون حاطين على الطماطم البهارات اللى احنا كاتبينها فوق قبل ما نضربها فى الخلاط )يكفى لتسويتها ونسويها على البوتاجاز بس نراعى ان كل الجوانب تستوى مع بعض
بعد ما خلاص هتبدأ تنشف ننزلها الفرن على درجة حرارة 200 او 180 لمدة ربع ساعة كدا بحيث مش تنشف اوى ولا تتحرق لا من فوق ولا من تحت
تتقدم مع رز ابيض وسلطة بابا غنوج وسلطة خضرا وشوية مخلل
وبالهنا والعافية هتتمسح مسح من جمالها ولا ريحتها ولا اروع مواضيع هذا القسم برعاية
Aya Mshmsha Aya Mshmsha فتكات رائعة Fatakat 688164 Portsaid – Egypt