السلام عليكم ورحمه الله وبركاته
والصلاة والسلام على خاتم الانبياء واشرف المرسلين سيدنا محمد عليه افضل الصلوات واتم التسليم
ازيكم ياحلوين يارب تكونوا بخير اللهم امين
انهارة معايا طبق جديد ولذيذ ومميز جداااا وشيك جدااااا فى العزومات ومليان قيمه غذائيه
وكمان ينفع فى رمضان الكريم
علشان قرب كل سنة وانتم طيبين
شرائح البطاطس المحشيه بقطع الفراخ الذيذة والزيتون والبشاميل
نبص على الطبق ونرجع تانى
شايفين الجمال والطعم خرافى
ومن ناحيه تانيه
وكمان
ودى من قفاها ههههههههه
المكونات هبدء بالحشوة
بصله كبيرة شوحتها وحطيت توابل ملح وفلفل وسماق وقرفه وفلفل ابيض بسيط وريحان وحطيت الفراخ لحد لما استوت تقريبا وحطيت عليها الفلفل الاخضر يدوب 3 دقايق بس وانتى ممكن تغيرى ف الحشوة براحتك واحب اقول حاجه علشان اتسالت عليها انا مبحطش مشروم ف الاكل هوة مخصمنى هههههههههه رغم عارفه قيمته الغذائيه فانتى حطى براحتك طبعا
هنا حطيت الزيتون الاخضر والجزر تقدرى تستغنى عن الزيتون بس بيدى طعم غير للطبق دة بصراحه
بحط ملح وفلفل ع البطاطس قبل مااحمرها بتخلى طعمها يجنن
البطاطس احب اقول على حاجه نوعيه البطاطس علشان تديكى سوا سريع تختارى اللى تكون قشرتها فاتحه وخفيفه من برة ومش طريه ومتكنش مكرمشه دى بتستوى بسرعه وبتكون مرمله من جوة ومبتخدش كتير من البطاطس لما بتيجى تقشريها انما اللى قشرتها غامقه وتخينه وطريه دى تقريبا مبتستويش دة غير ان طعمها بيكون مسكرة شويه ودى بتفسد عليكى طعم الاكل والطبخه كلها …نرجع لموضوعنا هنا انا بستخدم 3 وحدات بطاطس كبير او 4 وسط قطعتها ترنشات
هنا اناعملت البشاميل عبارة عن 5 ملاعق دقيق كبيره شوحته بس وحطيت عليه اللبن وملح وفلفل وهقولك ع معلومه لو عايزة طعم البشاميل يكون لذيذ ويجنن حطى 3 ملاعق كريمه طبخ البشاميل فعلا بتخلى البشاميل اكتر من رائع بس البشاميل يكون سمكه وسط مايل للخفيف علشان يعشق المكونات كويس رصيت اول دور من البطاطس على البشاميل
هنا حطيت طبقه كويسه من الفراخ بس بخلى 3 ملاعق من الفراخ هقولك لايه
هنا حطيت الدور الاخير من البطاطس على الفراخ
ال3 ملاعق بتوع الفراخ هههههههه حطيتهم على باقى البشامل اللى هحطه على وش البطاطس طعمها ملوش وصف تجنن
البشاميل بالفراخ على وش الصينيه
دخلتها الفرن وكنت مسخناها قبلها بربع ساعه 10حطيتها فى الرف الوسط دقايق تحت وفوق اول ماتحمر طلعيها وتابعى فرنك ياجميل هيه سريعه مبتخدش وقت وبعد لما تطلع سيبيها تهدى شويه لانها كده بتذبد المكونات خصوصا البطاطس بتطلع مرمله ولذيذة بعد لما اندمجت مع باقى المكونات
اهى من جوة ….هااااا مين جعــــــــــــــــــــــــــــــــــــــــــــان
واهو لعيونكم
انا كده خلصت ولو عجبك موضوعى ياريت ردودكم الحلوة والتقـــــــــيــــــــــــــــم لانى والله بعد لما حملته لاقيته اتمسح بسبب سيرفر المدونة وقف
ونلتقى فى حلقه قادمه ان شاء الله ههههههههههههههه
التقـــــــــــــــــــــــــــــيــــــــــــــــ ــــــــم اهو مواضيع هذا القسم برعاية
كوين ام ام كوين ام ام 780607_14.gif سوبر فتكات Fatakat 780607 ……… – ………