كلنا بنحب المحشى وطريقته الكل عارفها طبعا بس وصفتى جديدة شويه وغريبه شويتين ههههههه
طريقتين لتحضير الخلطه
1/ هتشوحى البصل شويه ع النار وبعدين تضيفى عصير الطماطم وتسبيها لحد م تتسبك ترفعيها من ع النار وتسبيها تبرد
2/ هتحطى الطماطم ع النار تتسبك وقبل م تطفى عليها هتحطى البصل ياخد يادوب غلوة فيها وبردة ترفعيها وتسبيها تبرد
الطريقتين حلوين ممكن تجربى مرة كدة ومرة كدة اللى تعجبك استمرى عليها
واهم خطوة ان الخضرة بتتحط ف الاخر بعد م الصلصه تيرد خالص عشان م تنزلش ميتها وتدبل
هتنقى الفريك كويس قوى وتغسليه وتنقعيه ربع ساعه بس بعدين تصفيه كويس
التوابل اللى بستخدمها ف الخلطه / ملح+ فلفل اسود+ كمون+ربع م زنجبيل مطحون وممكن اللى تحب تضيف شعرة
قرفه / نعناع ناشف ودة بفركه ع الوش بيدى طعم وريحه حلوة قوى
وطبعا بتخلطى الفريك عادى بالخلطه (زى طريقه الرز) وتحشى بيه عادى
بصى انا بحب الحله مشكله يعنى فيها كل الانواع مش بعمل كل نوع ف حله لواحده ودة افضل طبعا واوفر
بالله عليكى لو عجبك موضوعى تدعيللى ربنا يتقبل منى ويدينى اللى ف باللى بقى
ولو مش عجبك بردة ادعيللى وخليها عليكى واكيد مش هـ يجيللى عين اقولك قيممى
مواضيع هذا القسم برعاية
فوضت الامر لله فوضت الامر لله 67661_6.gif سوبر فتكات Fatakat 67661 ف الدنيا اللى وجعتنى قوى – egypt