اليوم جربت وصفتين وكلهم حلوين احلى من بعض
اول واحدة
بيتزا بالبف باستري ماشاء الله روووعة
جبت مربعات البف باستري قسمتها من النص يعني تصير مثلثين
بالسكينة وهي جامدة عشان ماتتعجن ودهنت الصينية ورصيتها
ودهنتها دهن خفيف بالجبنة السايلة وممكن بكاتشب مع مايونيز
ووزعت عليها صلصة البيتزا اللي هي عباره عن(بصلة مفرومة
متحمرة وعليها طماطم مفرومة وفص ثوم مفروم وملعقة صلصة
وملح وفلفل اسود وبهارات ايطالية اللي هي زعتر بري وريحان)
ووزعت عليها فلفل رومي وزيتون شرائح وجبنة موزريلا مع شيدر
ودخلتها الفرن ولما تحمرت من تحت ونفشت ومااحتاجت تحمير من فوق
وياسلام على الطعم روعة ومككن تعملي المربع اربع مثلثات
لو حاتقدميها في بوفيه وكده
والطبق الثاني متبل البطاطس اول مرة اعمله وماشاء الله طعم روعة
يتاكل بالعيش او مع المشويات
جربوه وادعولي
سلقت حبتين بطاطس وحطيتها في مفرمة البصل ولازم وهي حارة
عشان تصير ناعمة ومعاها فصين ثوم وملعقتين كبار ليمون وملعقة
طحينة وملعقتين زبادي وملعقتين زيت زيتون وملح وفلفل اسود
ونخلطها كويس لما تصير ناعمة نحطها في صحن ونزينها زي مانحب
وعليها زيت زيتون والف هنا
والف هنا يارب يارب تعجبكم
وادعولي بالفرج.
مواضيع هذا القسم برعاية
ام جهاد وجمانة ام جهاد وجمانة 90670_1.gif سوبر فتكات Fatakat 90670 جدة – السعودية