والله انا كلته عند اختى وعاجبنى اوى لأن اللنشون الجاهز مابكلهوش لأن لو عرفتوا بيتعمل ازاى
اكيد كلنا عارفين
ندخل بقى على الطريقة معلش بقى من غير صور علشان عندى مشكلة فى النت صعب اوى التحميل
المقادير
6 بيضات – شوية فلفل اسود صغيرين اوى يادوب – 3 مكعبات مرقة دجاج- 6 معالق دقيق
6 قطع جبنة نيستون – و6 فصوص ثوم – نصف كباية زيت
نحط البيض الأول فى الكبة مع الفلفل الأسود وضرب جامد وبعد كدة نحط باقى المقادير وتتفرم جامد اوى
بعد كدة نكون محضرين علبة زى علبة السمنة اللى هى كيلو تكون فاضية ونجيب كيس يكون طويل ورفيع ونفضى فيه المقادير ونربطه من فوق علشان بتكبر وماتتبهدلش ونحطه فى علبة السمنة او اى علبة عندك ونملى حلة ميه ونحطها على البوتجاز تغلى ونحط فيها علبة السمنة ونغطى الحلة كويس جدا وتفضل على البوتاجاز ساعتين وربع وبطلعيه من الكيس زى اللنشون بظبط تقطعيه بقى براحتك وأهم حاجة مانزودش الملح علشان المرقة فيها ملح كتير والله هايعجبكم اوى ولو عايزة يبقى زى اللنشون الجاهز هاتى من العطار ريحة ولون لنشون بس طبعا ده غلط واحنا بندور على الحاجة الصحية وبالهنا والشفا
مواضيع هذا القسم برعاية
shoshtaa shoshtaa فتكات رائعة Fatakat 714432 الاسماعيلية – مصر
سبحان الله و بحمده