بسم الله الرحمن الرحيم
ونبدا ب اللهم صل وسلم وبارك علي سيدنا محمد وعلي اله وصحبة اجمعين
بصو بقي انا مرة كنت برة واتغديت في العيد ال فات هتقولو اكيد في نفسكو طيب واحنا مالنا
هقولكم استنو سر الاكلة جة من هنا اوعو تقولو اية الهبل دا
اصل وانا برة اكيد اتغديت دخلت مطعم اول مرة ادخلو وفتحت المنيو ان ان ان تش
واخترت اكل فرنساوي عبارة عن تشكن بلو تشيز
انا بحب جد البلو تشيز والفراخ بس دا لوحدة ودا الوحدة فا لقيت الاتنين مع بعض هقول لا يعني هههههههههههة
المهم جة الاكل وكان عبارة عن عينات مجانية انا كنت هسال ال جرسون فين الاكل بقي احنا دوقنا خلاص وطعمة حلو احنا استقرينا علي الطلب دا
المهم كان معاة سوتية ورز بسمتي ابيض
اكلت وعملت نفسي شبعت بقي وقال اية مش قادرة اكل ودفعنا فلوس كانت تجبلي 4 بلو تشيز بحالهم و3 فرخات بحالهم مش بانية وكنت غمست فراخ بال بلو تشيز
المهم الاكلة كانت ووووووووووواااااااااااااااااااااااو لحد بكرة وفضلت اركز مع الصوصوال علي الفراخ عشان اعرف معمول من اية
المهم انا بحب جدا نوعية الاكل دا وكمان خطيبي ال هو نظام الصوص الابيض ال علي اللحمة او الفراخ ورز وكدة
جبت اية بقي
فراخ بانية
وتوم
وبصل هاخد الماية بتاعتة
ملح وفلفل
زبادي دي تكاتي
ولبن
جبنة لافاش تكاتي برضة
سكر
نعملهم ازاي انا مش هعمل زي الناس واقولكم المقدار
انا جبت نص كيلو علي ادنا انا وهو لان البيت عندي هيعتبرو ان الاكل دا مقبلات اصلا وهيقولول فين الاكل
فا كل واحد هتعمل الكمية ال هي عيزاة وتشوف يكفية اد اية توم بصل جبنة كدة يعني
هو انا النص كيلو عملتة كدة
غسلت الفراخ كويس جد حمتها حماية العيد ههههههههههة بانية طبعا
وبعدين حطبط عليها ليمونة كاملة
و2 فص توم كبير بشرتهم عليها بال الدواير الصغيرة ال في المبشرة اصغر حاجة
جبت بصلة متوسطة بشرتها عادي وحطيط عليها ملح وفلفل ودعكتها جامد جدا
حطيتها في مصفاة وفضلت انزل مايتها علي الفراخ
وبعدين حطيط معلقة زبادي كبيرة ودي بقي بتدي طعم تحفة وبتخلي ال التبيلة تثبت
التكاية بقي اني جبت كيس عادي وحطبط فية الفراخ بكل ال فيها دا وعلي الفريزر لمدة نص ساعة لية بقي عشان تتشرب التتبيلة
كنت محضرة بطاطس وكوسة وجزر البطاطس مربعات كبيرة شوية والجزر والكوسة عارفين ازاي بيتقطع سوتية يعني
المهم بعد ما تطلع الفراخ تطلعيها من الكيس ونفضيها مش سجادة يعني هزيها بايدك كدة رقصيها يعني ههههههههههة
وهاتي زبدة او سمنة وفي طاسة بقي او صينية واسعة
سخني الزبدة كويس وبعدين حطي الفراخ يتغير لونها بس تبقي بيضة كدة هتلاقو الفراخ نزلت ماية ارموها مش عايزنها
هاتو بقي ما ما ترمو الماية 3 ملاعق دقيق وحطوها فوق الفراخ وقلبة لحد ما يبقي اللون بني
وبعدين حطو كباية لبن وربع كباية ماية او نص وقلبو كويس عشان ميكلكعش
وسبوها تغلي عشان الفراخ تستوي بس قلبو كل شوية عشان تبقي كريمي كدة
هاتو بقي 2 معلقة سكر كبيرة حطوها في طاسة يبقو كراميل وعلي الفراخ كراميل بني يعني
وقلبو كويس وبعدين هاتو ربع كباية مايةسخنة حطوها في الخلاط وحطو عليها ال 2 جبنة لافاش واضربوها هتبقي شبة ال لبن
حطوها علي الفراخ واذا عايزين تضيفو بلو تشيز برضة زي الطريقة دي بالماية السخنة او حطوها علي ال لافاش يعني ال مش متوفرة ال بلو تشيز تحط لافاش كيري اي حاجة
انا غيرت وحطيط لافاش
وبعدين غطوها ووطو بس مش اوي يعني واستنو لحد ما تستوي بس طبعا مش بتاخد وقت زي ما انتو عارفين
ال سوتية بقي ماية مغلية حطو فيها ال بطاطس والجزر الاول يستو نص سوي او زي ما تحبو هي بتاخد 7 دقايق تبقي نص سوي او عشر دقايق
طلعو البطاطس والجزر وحطو الكوسة بعدها
وبعدين بعد السلق هاتو طاسة فيها زبدة او سمنة سخنوها اوي وحطو فيها الخضار وقلبو وحطو ملح فلفل
وقدموها بقي مع رز عادي او بسمتي زي ما تحبو
حطو الرز في القالب وبعدين اقلبوة في الطبق وحطو جمبة الفراخ وحطو عليها صوص والخضار جمبهم طبعا في طبق واسع حطو بقي علي الخضار صوص برضة
بس مش كتير
وبالف هنا وشفا اهم حاجة متنسونيش في دعوة من قلبكم ربنا يرض عني ويسعدني ويجمعني بزوجي عاجل غير اجل وييسرلنا حالنا ويوسع رزقنا امين
والتقيم بقي اذا عجبكم الموضوع والله كلة بمجهودي الشخصي وتعبت جدا علي ما كتبتة بس قلت لازم اخليكم تجربوها
مواضيع هذا القسم برعاية
Love is beautiful Love is beautiful 274719_16.gif سوبر فتكات Fatakat 274719 الاسكندرية – مصر