السلام عليكم ورحمه الله وبركاته
انا شوفت فى المدونة طريقه البصاره فيها خضره كسبره وبقدونس
وهى مختلفه عن البصاره بتعتنا فى الصعيد اصل انا صعيديه حبيت اقولكم على طريقتنا
ممكن ابدأ ااااااابدا
فى البدايه بنجيب فول مدشوش حوالى 1/4كيلو ومعاه بصله كبيره مقطعه اى حجم
وحوالى 4 او 5 فصوص ثوم وملح وفلفل وكمون ونسيبه يستوى لغايه ما يدوب خالص والافضل نكون ناقعين الفول عشان يستوى بسرعه
وبعدين نضرب كل ده فى الخلاط ونرجعه الحله تانى
وبعدين نجيب ملوخيه ناشفه ونحطها عليم ونقلب حسب السمك الا عايزاه
بس خلى بالك هى بتتخن لما تبرد
وبعدين نحط عليهم شويه نعناع ناشف ونقلب وطبعا فى النهايه البصل المحمر وبالهنا والشفا
وممكن برضو لو عامله عدس واتبقى منك شويه اوعى ترميهم ممكن يبقو بصاره انك تحطى الملوخيه وتقلبى والبصل المحمر تبقى نفس الطعم
يارب اكون افدتكم بحاجه جديده
مواضيع هذا القسم برعاية
روجا ميدو روجا ميدو فتكات متميزة Fatakat 539903 مصر – مصر
سبحان الله و بحمده