السلام عليكم ورحمه الله وبركاته
اللهم صلى وسلم وبارك على سيدنا محمد وعلى اله وصحبه وسلم
فتاتيكى حبايبى ازيكم يارب تكونوا بخير جميعا
النهارده هااحكى لكم عن المسقعه انا دايما كنت باعملها عادى
انى اقشر الباذنجان وارش عليه الملح واسيبه ساعه ساعتين
وبعدين اغسله واصفيه واقليه واكون محضره الصلصه بتاع المسقعه وارميه فيها
وفى يوم من الايام الامبوبه فضيه وكنت محضره البتنجان كالعاده على القلى طيب هااعمل ايه جوزى مش هاييجى الا باليل
وعلى ماييجى اكون انا تعبت ومش ها اعملها وماينفعش اعينه فى التلاجه لانى مره عنته وجلد واحدق واترمى فى الاخر
طيب اعمل ايه عندى سخان بامشى به حالى اما البمبه تفضى
طيب ماينفعش يتقلى باردوا لانه بيفصل شويه وشويه
قمت عملت ايه حطيت شويه زيت صغيرين وفوقهم البتنجان ونسيته وكل شويه اقلبه وبعدين حضرت الصلصه
اللى هى التوم وفلفل مفروم عشان ما يبانش والعيال ياكلوه وبعدين الطماطم وتتسبك واحط الملح والفلفل وتكه من عندى بتخليها روعه شويه كسبره ناشفه
وضفتها على البتنجان وتقليبتين ووالله رووعه
عيالى مصممين انى عملاها باللحمه المفرومه وانا اقولهم لا من غير لحمه والله انا اصلا ما باحبهاش باللحمه
حقيقى روووووووعه جربو مش راح تخسروا حاجه
وكمان احنا هانقلل من الزيت خالص ولا اى تاثير بالعكس طعمه وخفيفه جدا
صلوا على النبى كمان مره
وادعولى ربنا يحقق لى اللى باتمناه يارب
بحبكم فى الله
مواضيع هذا القسم برعاية
ام مصطفى محمود ام مصطفى محمود 439927_1.gif فتكات ست الكل Fatakat 439927 جنة اولادى – الدنيا الواسعه