قعدت افكر النهاردة هقدملكم اية اية هتعملى اية يا بت يا مورا لووصلت فى الاخر لااكلة خفيفة وسريعة انتو عارفين انى بحب الشوفان جدا وعرفت ان معظم الفتكوات هنا بتحب الشوفان وبتقدمة وجبة لااطفالها كمان للفطور وانا كنت كتبت فى قسم الاعشاب والطب البديل عن الشوفان وفوايدة متتصوروش بيكون الاكل بية طعم قد اية النهاردة هعملكم اكلة من الاكلات المحبوبة لقلبى وان شاء الله تعجبكم لاان مكوناتها كل المصرين بيحبوها وبيكلو منها ومفيهاش مواد مش موجودة وصعبة تعالو معايا اوريكم انا هعملكم اية النهاردة
( صنية البطاطس المقرمشة ) مش اسمها يفتح النفس برضو
المقادير
نصف كيلو بطاطس مسلوقة
نصف كوب لبن
نصف معلقة فلفل احمر
بهارات مشكلة + ملح+ فلفل اسمر
زيت ذرة
نصف كيلو لحمة مفرومة
بصلة مفرومة
نصف كوب جبنة شيدر
نصف كوب كويكر (ذرة الشوفان) موجود فى جميع السوبر ماركت
التحضير
تهرس البطاطس ونحط السمن واللبن والجبنة المبشورة والملح والفلفل ونصف كويكر
الحشوة بتاعتها بقى…
نضع الزيت على النار ونضيف البصل والفلفل الاحمر والملح والفلفل الاسود والبهارات المتشكلة ونقلب وبعدين نحط اللحمة المفرومة
بعد كدة نجيب صنية وندهنا بحتة سمنة صغيرة خالص او زيت ذرة او زيت زيتون زى متحبو ونضيف طبقة من البطاطس والحشوة وطبقة تانية من البطاطس وبعدين نحط الجبنة المبشورة الشيدر وبقية كويكر نحطها فى الفرن لمدة نصف ساعة بدرجة حرارة 180 درجة
وبالف صحة وهنا مواضيع هذا القسم برعاية
toty_meky toty_meky 56031_1.gif فتكات غالية قوي Fatakat 56031 mansoura – egypt