حبايبى الفتوكات وحشتووووووووونى جدا انا جيبالكم النهاردة طريقة كيكة من النوع الدسم الفاخر والطعم رووووووووعة لمحبى جوز الهند
2 كوب الدقيق
2 ملعقة صغيرة بيكنج بودر
نصف ملعقة صغيرة ملح
1ونصف كوب جوز هند 1 كوب زبدة او سمن
1 وربع كوب سكر ناعم الحبيبات زى الاسرة
3حبة كبيرة بيض
فانليا
معلقة الخل
1 كوب حليب
التغطية:
4 معالق مربى جوز هند ناعم
الاول طبعا نسخن الفرن على 180 درجة والصنية مقاس 24 نبطنها بالسمن والدقيق وننخل الدقيق مع البكنج بودر والملح
نحط الزبدة والسكر لحد ما الخليط يبقى هش وفاتح وعامل زى الكريمة
والصورة توضح
نضيف البيض واحدة واحدة مع استمرار الخفق ثم نضيف الفانليا والخل ونخلط شوية
وبعد كدة نحط الدقيق بعد ما نخلطة بجوز الهند ونحطة شوية شوية مع التبادل مع اللبن نخفق لمدة دقيقة ثم نضع الخليط فى الصنية
ودى شكلها بعد ما خرجت من الفرن
نقلبها فى طبق التقديم وهى ساخنة وندهنها بالمربى
وبعد كدة نرشها كلها بطبقة من جوز الهند ونسيبها تبرد تماما قبل التقديم ودة شكلها
ودى صورة اقرب
ودة شكلها بتقطيع مختلف على شكل مثلثات
وممكن تحطيها على ورق الكاب كيك وتقطع قطع صغيرة
طبعا ياجماعة طعمها رووووعة وشكلها شيك وفاخرة والاهم من كدة انها سهلة جدا
وكدة انا خلصت وصفتى النهاردة وعلى فكرة دى طريقة روح قلبى منال العالم كل الوصفات بتعتها مظبوطة جدا
واخيرا بطلب منكم يافتوكاتى الدعاء لى ولاولادى
ومستنية ردودكم وتعليقاتكم
مواضيع هذا القسم برعاية
kokoxx91 kokoxx91 448136_3.gif فتكات ست الكل Fatakat 448136 القاهرة – مصر