بسم الله الرحمن الرحيم
اللهم صلي علي سيدنا محمد
كنت محتارة يوم وقفة عيد الاضحي نفطر ايه
ففكرت نفطر سندوتش سمين لاننا كنا اكلناه مرة
من مسمط في الجيزة وعجبنا جدا
المقادير
1/2ك فشة
1/2 ك كبد و كلاوي
1/2 ك لحمة راس
1/2 ك لحمة مفرومة كبيرة
1/4 ك ممبار
1/2 ك كرشة
قطعة واحدة كوارع
طحال
1 جنية عيش
3 حبة طماطم
جرجير
3 قرن فلفل رومي
1 قرن فلفل حامي حسب الرغبة
بصلة
طرشي
خيار طرنشات
رغيف عيش بلدي مبلول و معصور
توابل
الطريقة
1- بعد تنظيف و غسل كل الحاجات و نقعها في دقيق وخل وملح
2- نحضر حلة بها ماء مغلي وبصل و ورق لورا وحبهان ونضع فيها الكوارع و الطحال و الفشة و لحمة الراس و الممبار
3- نحضر حلة اخري وبها نفس الحاجات ونضع فيها الكرشة
4-تقطع الكبد والكلاوي وتتبل بالملح والفلفل والكمون والكسبرة الناشفة والثوم والخل والليمون و تترك بالثلاجة
5-نضع اللحم المفروم والعيش المبلول وبصل مبشور وملح وفلفل وجنزبيل و قرفة وكسبرة و بهارات لحمة في الكبة وتفرم فرم ناعم ثم تكور كور ضغيرة وتوضع بالثلاجة
6-وبعد التسوية نقطع كل الحاجات سرائح ما عدا الممبار
7- نحضر طاسة بها سمن علي زيت نحمر فيها الكفتة ونشيلها ثم نضع الممبار يتحمر و نقطعه
8- نضع في نفس الطاسة بصل و فلفل ونقلب ثم نضع الطماطم ونضع عليهم ملح وكمون وجنزبيل و قرفة و كركم ونقلبها قليلا ثم نضع كل الحاجات المقطعة ما عدا الممبار
9-نحضر طاسة بها سمن و فلفل ونضع فيها الكبدة حتي تستوي
10-نحضر رغيف العيش ونضع فيه كل الحاجات وقطعتين من الممبار و الجرجير و يقدم ساخن
التكلفة
بعد تقسيم الكمية حوالي 60 جنية بتعمل 15 سندوتش
يمكن تقليل التكلفة بعدم وضع الكبدة فيكون 40 جنيه وبالتالي تكلفة السندوتش = 2 جنيه و 60 قرشا
*بالهنا والشفا *
***الصور***
وانا كنت اشتريت1 كيلو ممبار عملته كله و سويته و اخذت منه كام واحدة و الباقي حطيته مستوي في كيس بالفريزر ليوم تاني يكون جاهز ولما احتاجه اطلعه واحضر بها مياه مغلية واحط الممبار لمدة 5 دقائق ثم يتحمر
وطبعا علشان الكوارع بتتباع فردة علي بعضها اخذت قطعة والبقي شلته في كيس في الفريزر بدو سوي ليوم تاني مع فتة
وده عصير مانجو علشان يرطب بعد الاكل
وهنا لما قسمت الاكل علي مرتين وهو مستوي ماعدا الكفتة و الكبدة مش مستوين ودول حطيتهم في الفريزر ليوم تاني ويكونوا جاهزين
وبكدة يكون عندي اكل لاربعة ايام جاهزين
ولو في اي استفسار انا جاهزة
مواضيع هذا القسم برعاية
بشروا ولا تنفروا بشروا ولا تنفروا 435190_1.gif فتكات نشيطة Fatakat 435190 giza – egypt