صباح الخير عليكو وجمعه مباركه باذن الله
كتير منكو يا بنات بيشتكو انهم لما بيعملوا معجنات بتطلع منهم مكتومه وانا كنت واحده منكم
ولسه كمان فيه بنوته هنا زى العسل سالانى السؤال ده
عشان كده كتبت الموضوع ده
انا عندى كام سر حلوين اوى كده
وجايه اقولكم عليهم ويارب تستافادو من الموضوع البسيط ده زى ما انا استفادت
بس لازم تقرائ الموضوع لحد اخر سر لو كنتى عايزه تستفيدى فعلا
انا هكتبهم على هيئه نقط عشان مش تتوهوا منى
1- خدى بالك اوى من نوع الدقيق لان فى نوع دقيق اصفر كده ومبيرفعش خالص للاسف
وبيبقى مكتوووووووم جدااااااااااااااا
يعنى قولى للخراط اللى هتشترى منه
عايزه دقيق معجنات وهو هيتصرف
2- الخميره ودى من اهم واول اسباب نجاح المعجنات
لازم يا بنات يبقى فيه نسبه وتناسب بين الدقيق والخميره
يعنى تحطى معلقه خميره فوريه على كل كوبايه دقيق
ولو خميره طازه حطى حته قد عين الجمل كده على كل كوبايه برضه
وخلى بالك من تاريخ صلاحيتها
واحفظيها دايما فى علبه بلاستيك
وفى الصيف لازم تحفظيها فى التلاجه انما فى الشتا ممكن تحفظيها عادى فى دولاب المطبخ بتاعك
3- يستحسن تزودى فى كل معجناتك البيكنج بودر
وحطيه برضه بنسيه اقل شويه من الخميره
حتى لو هتحطى نص معلقه انتى المستفيده برضه
4- اعجنيها كويس جدا لا يقل عن 10 دقايق متواصل
وكل ما هتخدمى العجينه كل ما هتتفاجئى بنتيجه حلوه اوى ان شاء الله
5- التخمييييييييييييير
ودى اهم نقطه
متستعجليش عليها وتقومى قايمه تشتغلى بيها قبل ماتاخد كفايتها من التخمير
لالالالالالالا غلط خالص
لازم تصبرى عليها عشان تنفش وتبقى هشه ومش مكتومه
6- طريقه تسويتها ازاى بقى
هقولك
انتى يا ستى هتفتحى فرنك على اعلى درجه حراره ودخلى معجناتك وبعد 5 دقايق وطى عليها عشان تكمل سواها
وحاولى كل معجناتك متاخدش اكتر من 10 دقايق او بالكتير اوى ربع ساعه فى الفرن عشان مش تنشف منك
7- اول ما تخرجيها من الفرن غطيها بفوطه خفيفه بحيث تمنعى عنها الهوا فمتنشفش منك وبلاش تغطيها بفوطه تقيله لتبططيها تانى ونرجع تانى لنقطه البدايه
خلاص كده العجينه خمرت وارتفعت والحمد لله
تعالى بقى
انتى لما تيجى تشكلى العجينه بتاعتك
سواء هتعمليها رول وتقطعيه او اوى اشكال تانيه
زى كورنيه او ورود او اى حاجه
لازم تلفى العجينه بالراحه يعنى متجمديش عليها وتفتكريها جوزك بقى ولا خطيبك وتتعافى عليها عشان تطلعى شويه الغيظ اللى جواكى
لا خاااااااااالص
لفيها بالراحه
بحيث تسيبى فراغ عشان العجين يتمدد فيه
لان العجين بعد ما بتشكليه بيتمدد مرتين
مره وهو بيتخمر فى التخميره اللى هى قبل ما يدخل الفرن
والمره التانيه لما بيدخل الفرن
فلو هو ملاقاش فراغ يتمدد فيه هيتمدد جوه نفسه وبالتالى هيتكتم جوه نفسه
وبالتالى هتطلعى بمعجنات مكتومه ومش هتعجبك مهما كنتى مظبطه مقاديرك ومكوناتك ومهما كنتى خادمه العجينه كويس
والاخر هتزعلى طبعا خاصه لو انتى مكلفه العجينه وقت ومجهود
ولت وعجن هههههههههههه
اتمنى تكونا استفادتوا من الموضوع
بحبكم فى الله
ومتنسوش التقييم
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر