السلام عليكم فتوكاتى
وحشتونى اوى اوى معلش كنت بولد والحمد لله ربنا رزقنى بولد زى لقمر عقبال كل الفتوكات ودة بفضل ربنا ودعواتكم
المهم ندخل فى الموضوع
طبعا انا مش بشتغل بس مش بطيق وقفة المطبخ واللى بتشتغل ياحرام هلكانة طول اليوم وعلى مدار الشهر ومش بتستريح
طيب بتشترى اكل كل يوم وترجعى تعملية انا متاكدة انك بترجعى جرى عشان تلحقى تطبخى بعد يوم عمل متعب
بتقفى اد اية ساعة اتنين دة غير المواعيين اللى اد كدة
احنا كمان مش هنوفر عمايل الاكل والوقفة والوقت احنا كمان هنوفر المواعيين
اولا الطماطم
تقريبا بنستخدمها كل يوم او يوم ويوم صح طيب بتعملى اية بتضربيها فى الخلاط او بتصفيها دة غير المواعيين والحوسة
والطماطم اللى تطرطش يمين وشمال
طيب اية الحل طبعا الطماطم هتبقى عندك بالشهر ومتسبكة وفى الفريزر
تجبيلك 6 كيلو طماطم ولو عيلة هاتى كمية اكبر اغسليها وفى حلة كبير حطيها وبالظبط ربع كوب ماء
وعلقى عليها النار وسيبها ها اتنبخر الماء سيبها بردو تبرد خالص او حطيها فى التلاجة شوية وبعدين قشريها
بتتقشر بكل سهولة خلصنا لو عندك خلاط اضربيها لو عندك الخلاط اليد تحطيها جوة الحلة واضرب خمس دقايق
وكيسى او فى علب بلاستيك بتاعة الجبن او الايس كريم او كياس اللبن اللى يريحك
طبعا وانتى بتعلقى عليها ممكن تعملى مية حاجة على ماتبخر ميتها وتقشريها فى خمس دقايق تضرب وتكيسى لمدة شهر
كل كيسة او عبة لطبخة يوم
ثانيا البصل
انا بقشرة واغسلة وبعدين اكيسة بحالة فى اول رف وكل مااعوذ اطلعها متقشر ونضيفة واقطع على طول
لاريحة ولاطعم بيتغير نهائى
ثالثا التوم
بردو بقشرة كمية كبيرة وفى علبة متتصوروش سهل اد اية لما تحتاجى وانتى بتطبخى فصين تلاتة
الموضوع سهل وبسيط وبردوا فى علبة محكمة وعلى اول رف فى التلاجة وريحتة جميلة خلصنا
رابعا الخضروات
فى كياس بتتقفل وتتفتح فى اى ماركت كبير بتتجاب تمام هاتى خضارك فاصوليا كوسة اللى يعجبك واغسلى ووقطعى
وفى الكياس على اد الاكلة وبردوا اول رف فى التلاجة
خامسا اللحوم
فراخ او لحوم او بانية او شاورما تبلى كلو البانية يتعمل بالبقسماط والشوى بالبصل والبهارات والطماطماية
الشاورما تتقطع ترنشات اللى هتتعمل مسلوقة تحطى على اد الاكلة فى كيستها وممكن تتسلق بليل وتطبخى منها الصبح
كدة طماطمنا متسبكة بصلنا وتومنا متقشريين لحمتنا متبلة وممكن نعمل شوربة كمية نحطها لاى ظرف او لو مش هتعملى لحمة
اهى بتنفع اة نسيت اقولكم نعصج اللحمة وبردوا فى اكياس كمان نصبع كفتة وفى اطباق فويل وكفتة داود والهمبرجر
طيب تيجو نطبخ هعملكم مثلا فاصوليا خضرا ولحمة ورز
هنطلع كيس الطماطم وكيس الفاصوليا المتقطع وكيس اللحمة المسلوق او القطع وبصلاية متقشرة من كيستنا اللى فى التلاجة
وكام فص توم تمام هتطلعى كل دة فى خمس دقايق هتحمرى اللحمة والبصلة وتصبى الطماطم المتسبكة وبعدها الفاصوليا والتوم
وانتى بتعملة دة تكونى بتعملى الرز وتطلعى شوية مخلل وكل سنة وانتى طيبة بالظبط نص ساعة
صنية كوسة بالعصاج هتطلعى العصاج الجاهز والكوسة المتقطعة وكيس الطماطم المتسبكة حطى كلو على بعضو ياخدو غلو وارمى فى الفرن مع عيش ومخلل او رز
بانية ومكرونة هتسلقى المكرونة والطماطم متسبكة والبانية بتحمرية كل دة والمكرونة بتتسلق فى عشر دقايق
يارب اكون افدتكم
كل اللى عايزاة دعوة حلوة وربنا يقدرنى على الطاعة واسعاد زوجى وولادى وربنا يهديهم عليا ويهدينى ليهم مواضيع هذا القسم برعاية
ريهام عز الدين ريهام عز الدين 643674_3.gif فتكات متميزة Fatakat 643674 ابوظبى – الامارات