السلام عليكم ورحمة الله وبركاته:
ردو السلام لله
انا عملت امبارح شوية دوقه فظاع فظاع.فى ناس متعرفش يعنى ايه دوقه وبتتاكل مع ايه؟؟
خلينا الاول فى بتتاكل مع ايه بطاطس محمره بيض مسلوق سميط سخن من الفرن وبيبقا الاكل رهيب معاها..
نخش بقا فى الطريقه:
ربع كيلو سمسم وتحمصيه فى طبق ع النار وبعدها تطحنيه وحوالى اقل من الربع بشويه سودانى وتطحنيه .و4معالق كبار كسبره ناشفه محمصه وتطحنيها وتحطى كله على بعضه فى طبق وتزودى عليهم 3 معالق كمون مطحون و ملح بس مش كتير وشطه وتجيبى النعناع الناشف اد كبشه فى الايد وتفركيه عليها وقلبى وحطى فى برطمان وعيشى بقا .
ممكن تزودى ع الكلام ده نواه مشمش محمص ومطحون (داخل النواه بيبقا فى حاجه كده شبه اللوزه بس صغيره هى دى اللى بتتحمص وتتطحن لا تطحنو النوا نفسه وتقولو دى عكاكه ههههههههههه)بس انا بفضل اعملها من غيره عشان ساعات كتيير بيبقا ممرر وضيعلنا الدوقه الجامده بتاعتنا وبألف هنا وشفا
وياريت التقييم مع انى معرفش هو بتاع ايه عشان انا لسه جديده فى المدونة بس بشوف كل الفتوكات بتقول كده ههههههههههههههه مواضيع هذا القسم برعاية
انجى رضا انجى رضا 1076838_1.gif فتكات متميزة Fatakat 1076838 القاهرة – مصر
سبحان الله و بحمده