السلام عليكم ورحمة الله وبركاته
ازيكم يا فتوكات ؟؟؟
انا كنت عاوزة استفسر عن اكل المصايف كده معاكم
انا عملت سيرش في الموضوعات القديمة ولقيت افكار وكلام جميل جدا
المصيف عاوز أكل نواشف وياريت تكون متجهزة على التحمير او التسخين فقط ونحطها في الفريزير وناخد معانا آيس بوكس للموقف ده ……
والاقتراحات اللي جربتها وفاهمة بتتجهز ازاي من اللي قريته الآتي:
* نتبل الفراخ البانية ونجهزها بالبيض والبقسماط وتبقى على التحمير
* نسلق المكرونة ونشطفها كويس ونحطها برضه في الفريز ونحضر الصلصة وهي كمان في الفريزر
* نحضر كبدة شرايح برضه زي البانيه او ممكن كبدة اسكندراني على التحمير برضه
* ممكن نتبل لحم مفروم للحواوشي
* نجهز كفته على السوا او التحمير برضه ونحطها في الفريزر
* ممكن نعمل طبيخ لو عايزين (بسلة – سبانخ) ونحطه في الفريزر
* ممكن برضه نسلق لحم (مع الطبيخ) او شاورمة ونحطها في الفريزر على التحمير او التسخين
* لو هناخد فراخ للشوي او مع صينية بطاطس يبقى نتبلها ونجهزها على السلق او الشوي ونحضر صلصة البطاطس
في بقى اقتراحات كان فيها محشي ومكرونة بشاميل وجلاش او رقاق بالجبنة او اللحمة المفرومة وانا بصراحة مش فاهمة دووول هيتجهزوا ويتحطوا ازاي في الفريزر؟؟؟؟؟؟؟؟؟
فياريت اللي جربت الحاجات دي تفيدنا بخبرتها
جزاكم الله خيراااااااااااااااا مواضيع هذا القسم برعاية
Ro0oby Ro0oby 12103_10.gif سوبر فتكات Fatakat 12103 القاهرة – مصر