كل سنه وانتو طيبين يااحلى فتوكات بمناسبه العام الهجرى الجديد ربنا يجعلها سنه احلى من اللى فاتت يارب ونحقق كل اللى بنتمناه اللهم امين يارب .. بصوا بقى ياقمرات انا بموووووووووووت فى حاجه اسمها ودجز ودايما انا واصحابى ف اى مكان بنطلبها بس طبعا هتفرق كتييير اوى لو انتى عملتيها بإيدك فى البيت تعالوا شوفوا كده .. قبل اى حاجه انا مكنتش عامله حسابى ان اصور او اقولكوا عليها بس جا فى بالى وانا بعملها قولت ليه لاء اصور واعرف فتوكاتى حبايبى الودجز بتاعتى ويجربوها وان شاء الله هتعجبهم جداا
بسم الله:
المقادير:
ع حسب ماتحبى الكميه اللى انتى عيزاها اللى انا عملاها النهاردا دى عامله 3 بطاسطيات بقشرهااا وتغسليها كويس بليفه المواعين
التوابل بتاعنا بقى ( ملح- فلفل اسمر- بابريكا ودى اساااااااسى مهمه جداااااا- رشه كمون بسيطه- بهارات فراخ- كااااااااااارى وده بردو اساسى- زعتر- ثوم بودر- بصل بودر)
رشه زيت وده ع اد الكميه بردو شوفى انتى ليكى حريه الاختيار سواء زيت عباد او ذره او زيت زيتون.. زى ماتحبى وحسب استخدامك شغال يعنى اى نوع فى دول..
الطريقه:
انا جبت البطاطس وقطعتها نصين وكل نص اقطعه نصين بردو زى اربع ارباع كده كأنك بتقطعى برتقاله انصاص فاهمينى
وبعدين بعد ماقطعت الكميه كلها حطيتها فى مايه مغليه غليت مايه فى البويلر وحطيتها ع البطاطس وسيبتها منقوعه فى المايه لمده تلت ساعه علشان تبقى طريه شويه… فيه ناس بتسلقها 3/4 سوا عادى زى ماتحبوا كده تمام وكده تمام ف الاخر بتستوى كويس جدا فى الفرن وممكن كمان تحطيها نيه عادى مش شرط تسلقى ولا حتى تنقعى ده لو مستعجله ولا حاجه..
وجيت بعد مانقعتها فى المايه الفتره اللى قولت عليها صفيتها كويس جدااا وبعد كده جبت التوابل اللى قولتلكوا عليها دى قلبتها كويس اوى مع بعضها واخدت معلقتين منها ورشيت ع البطاطس وقلبت كويس وبردو حطيت معلقتين زيت وقلبت كويس وسيبتها علشان تتبل شويه يعنى مثلا لو بتعملى اكل او اى حاجه سيبيها على ماتخلصى وده شكلها:
وبعدين جبت الصينيه ودهنتها زيت ورصيتها فيها ورشيت شويه زيت ع الوش بردو مع مارصيتها وده شكلها :
هتكونى طبعا مشغله الفرن وسيباه شويه علشان يسخن وسيبيها حوالى تلت ساعه بردو او لحد ماتلاقيها استوت وقرمشت وهتكونى معليه الفرن طبعا على اعلى حاجه ومتخافيش لا هتتحرق ولا هتبقى لسه جامده مش مستويه بالعكس هتلاقيها مقرمشه من برا ومن جوه طريه ومستويه وده شكلها بعد مااستوت
جربوها وان شاء الله هتعجبكم اوووووووووى وهتلاقوها احلى من اللى بنشتريها كمان وبألف هنا وشفا مقدما ♥ مواضيع هذا القسم برعاية
tamtam De ana tamtam De ana سوبر فتكات Fatakat 125237 In My Own World – In My room