بسم الله الرحمن الرحيم
ازيكم يا احلى فتوكات
ايوة بالضبط كده زى ما انا كاتبة افرضى عملنا الاكل وطلع حادق مننا طبعا بتبقى مشكلة كبيرة اوى وخصوصا لو فيه عزومة
طب ايه الحل فيه ناس يقولولك حطى بطاطساية حتمص الملح بس الحل ده ينفع مع اكل واكل ما ينفعش فيه كده
انا بقى عندى الحل اللى ينفع مع كل الاكل وسهل خاااالص ويعالج الموضوع تماما
السكر ايوة السكر نحط كمية صغيرة جدا من السكر تعادل كمية الملح الزيادة يعنى كمية بسيطة جدا احنا عايزين نعادل الملح مش نسكر الاكل يعنى مثلا لو الرز طلع حادق وبيكون استوى خلاص بحط تمن معلقة صغيرة سكر
واقلب واشوف حتلاقى الملح الزيادة راح وطعمه بقى معتدل لو حسيتى انه لسه شوية حطى تمن معلقة تانية وكده يارب تكونوا فهمتوا
ونفس الشىء مع الخضار المطبوخ او فى الفرن نفس الشىء
بس كده اظن الموضوع كده بقى سهل خالص ومش حنزعل تانى لو دقنا الاكل ولقيناه حادق
يارب تكونوا استفدوا يا فتوكاتى
ومش عايزة منكم الا دعواتكم الحلوة ليا انا وبناتى لان الموضوع ده من مجهودى الشخصى ما حدش عرفهونى بس حبيت افيدكم معايا
مواضيع هذا القسم برعاية
۩۞۩ الحمد لله رب العالمين ۩۞۩ ۩۞۩ الحمد لله رب العالمين ۩۞۩ 94824_2.gif سوبر فتكات Fatakat 94824 جدة & المنصورة بلدى حبيبتى – السعوديه دلوقت و مصر فى الاجازة
سبحان الله و بحمده