السلام عليكم ورحمة الله وبركاته
النهارده هقدملكو طرق حفظ وتجميد الخضروات ويااارب نستفيد
أولا : السبانخ
هنقطع السبانخ بعد غسيلها طبعا وبعدين هنجيب حلة ونولع البوتاجاز تحتها ونحط السبانخ فيها على النار مباشرة من غير ميه ولا أي حاجه وهنلاحظ نزول مياه من السبانخ وقلة حجم السبانخ طبعا . هنقفل البوتاجاز ونسيبها تبرد ونكيسها فورا .وعلى الفرريزر
الطريقة التانية : هنقطع السبانخ بعد غسيلها وهنعمللها التسبيكه بتاعتها عادي جدا وهنحط السبانخ فيها لمدة خمس دقايق ونقفل ونكيسها .
ثانيا : الملوووخية
تقطفي الملوووخية زي الدقرررمة وتغسليها وتخرطيها وووبعدين تجيبي ششوية شوربة نص كباية تقريبا او اكتر شوية على حسب كمية الملوخية وتحطيها على النار وتضيفي عليها الملوخية وتقلبيها لمدة خمس دقايق وبعدين تقفلي النار وتسيبيها تبرد وتعبيها في أكياس وعلى الفرريزر . ووقت الطبخ تفكيها في شوربة وتظبطي تقلها حسب ما بتحبي .
ثالثا : البامية
هتقمعي البامية بعد غسيلها وبعدين هتسخني مية على النار وتعصري فيها ليمونه وتسقطي البامية فيها لمدة 3 دقايق بعد سخونة المية . هتنشلي البامية من المية السخنة وتحطيها فوررا في مياه بارده . ده هيحافظ على لونها الاخضر . وفي الأكياس وعلى الفريزر
رابعا البسله
دي بقى بعد التفصيص بتتحط في اكياس وعلى الفريزر عدل … مررررريحه .
يتبع …. ها اكمل والا مش ضروري يعني ؟
مادام رديتو يبقى هكمل …. باذن الله
الطماطم
دي بقى تعصري الطماطم وتصفيها وتسيبيها على النار تهري وتنكت في نفسها لحد ما تتبخر الميه اللي فيها .. وفي الاكياس وعلى الفريزر
الفاصوووووووليا
بنفس طريقة البامية مع اضافة قليل من الملح للماء المغلي او الساخن
مواضيع هذا القسم برعاية
كوكوتوتا كوكوتوتا فتكات رائعة Fatakat 397621 المنصورة – مصر