ازيكم يا احلى فتوكات
النهاردة جايبالك فكرة جديدة لتلوين بيض شم النسيم (منقولة من موقع اجنبي) وحنستخدم فيها الوان الطعام المصرح بيها
اولا بتسلقي البيض الابيض عادي جدا
بعدين نحط جرنان نشتغل عليه علشان منلغوصش الدنيا الوان و نلبس في ايدينا جوانتي
نحضر الوان الطعام اللي نحبها ونخففها بمية باردة عادية مش سخنة
عارفين المفارش اللاسيه دي ؟؟؟ موجودة في كل بيت .. عايزين واحد مش كبير وقديم ومستغنية عنه
و بنقصه مربعات نلف بيها البيضة كدة .. و نحكم الرابطة باستيك من المطاط الرفيع دة
ونغمس البيضة في اللون ونسيبها شوية علشان تشرب اللون كويس
بعد شوية نطلع البيضة لما نلاقيها اتشربت اللون ونحطها على مناديل ورق كدة علشان تشرب اللون الزيادة
ونسيب البيض اما ينشف خاااااااااالص بعدين نفك المفرش من على البيضة كدة
و في الاخر دة شكل البيضة النهائي وهي مطبوع عليها شكل المفرش بلون اخف من لون الفراغات
علشان تحصلي على نقشات مختلفة شدي المفرش او ارخيه على البيضة زي ما انتي عايزة وممكن تعمليه بالطول بالعرض بالورب ..
وكمان كان في من المفارش دي فيها رسومات
ولو معندكيش من المفارش دي متزعليش .. ممكن تنفذي فكرة شبيهه بيها برضو بأن تلفى الاستك المطاط دة لوحده على البيضة كذا مرة بالطول و العرض والورب اللي يعجبك يعني .. وبكدة البيضة حتتلون ما عدا مكان الاستك
فكرة كمان من عندي .. ممكن بقطعه قماش عادية تقصقصي انتي فيها اشكال مختلفة و تطبقي الخطوات اللي فوق بيها
يا رب اكون قدرت انقلكم فكرة جديدة تعجبكم
عايزة بقى ردود و تشجيع و تقييم
قيموني مرة لله ههههههههههههه
مواضيع هذا القسم برعاية
moony online shop moony online shop 671647_3.gif فتكات نشيطة Fatakat 671647 القاهرة – مصر