فيه سر والدتي قالتلي عليه
لو عايزة تخلي طعم الملوخية الناشفة زي الخضرا بالظبط ضيفي على الشوربة شوية سلق أخضر واضربيهم في الخلاط وبعدين حطيهم على النار ولما تغلي ضيفي الملوخية الناشفة.
ولو عايزة تخزيني الملوخية الخضرا في الفريزر بعد ما تخرطيها هاتي شوية شربه صغيرين وحطيهم على النار لحد ما يغلوا وضيفي عليهم الملوخية وقلبي شوية وممكن تحطي شوية بيكربونات صغيرة علشان يفضل لونها أخضر بس أنا بصراحة مبحطش.
وهقولك على طريقه حلوة للملوخية
وانتي بتعملي التقلية هاتي طماطماية واضربيها في الخلاط وضيفيها على التوم والكزبرة لحد ما تتسبك وبعدين ضيفيهم للملوخية.
أو وانتي بتعملي الشوربة شوحي اللحمة أو الفراخ الأول ببصل وطماطم وفلفل أخضر مقطعين مربعات صغيرة وبعدين زودي الميه علشان الشربة
بتطلعلك شوربة جميلة جدا وبتدي طعم للملوخية
وبالهنا والشفا. مواضيع هذا القسم برعاية
منة الكريم منة الكريم 220917_64.gif مشرفة عامة للقسم الإسلامي Fatakat 220917 في بيتي مملكتي – أرض الله الواسعة