أنا عندى طريقة بعملها بتخللى البقدونس والشبت والكسبرة الخضرا صالحين للاستخدام لأكتر من شهر
بس متستغربيش كده
أقولكم بعمل ايه!!
أ بغسل الشبت والكسبرة الخضرا والبقدونس كويس وأصفيهم فى مصفاة وبعدين أفردهم على فوطة تحت المروحة أو فىمكان مهوى لمدة ساعتين لحد مينشفوا وبعدين بقطعهم بالسكينة ناعم كأنى هستخدمهم وأسيبهم شوية كمان فى الهوا – مش كتير لحد برده ميستنشفوا شوية – وأجيب أكياس صغيرة وأعبيها كل كيس لنصفه كده وأحطهم فى الفريزر.
وياسلام وأنا مستعجلة كده وأجيب حتة لحمة مفرومة وبسرعة أطلع كيس الخضرة(الشبت والكسبرة والبقدونس مع بعض) وأروح ملخبطاه مع توابل الكفتة وأعملهم عشا سريع ولا أسلق حبتين بطاطس وأهرسهم وأخلط كيس الخضرة (على فكرة أول متطلعيه من الفريز هتلاقيه بيتهرد معاكى ويفك مش كتلة واحدة – والله ريحته فى الأكل تجنن وطازة) وعليهم التوابل وأكور البطاطس وأحطها فى بيض وبقسماط وأقليها تبأى كفتة بطاطس تجنن ع العشا – وطبعا استخدامات الخضرة دى ملهاش حصر.. محشى وقرنبيط و…… وبتستخدم فى معظم الاكلات
( البقدونس ملك الخضروات )
مواضيع هذا القسم برعاية
رونا جوجو رونا جوجو 484491_8.gif فتكات ست الكل Fatakat 484491 بلاد الله – مصر
سبحان الله و بحمده