السلام عليكن ورحمة الله وبركاته
من غير رغى يابنات..انا عندى إستفسار بسيط كده
بس ياريت المتحصصين هما اللى يردوا
او يكون حد مجرب الموضوع
يعنى كلام موثوق فيه عشان الموضوع مش مستحمل
بصوا من فترة طويلة والدتى كانت بتحس بألم فظيع فى رجليها الشمال
من أول المفصل لحد السمانة يعنى رجلها كلها
المهم راحت لدكتور وعالجتها إلى حد ما..
لكن لسه فى ألم لما بيجيلها مبتقدرش تقف
وضهرها كمان بيبقى واجعها اوى ومبتقدرش تقف خالص
فهى شافت برنامج من فترة كان شيخ مش فاكرة إسمه بيقول
ان اللية بتاعة النعجة اللى متربيه فى الصحرا
بتشفى الموضوع تماما بأمر الله
قال إننا بنجيب اللية ونقسمها على 3
ونسيح كل جزء ونشربه على معدة فاضيه كل يوم الصبح
لمدة 3 ايام بإذن المولى الألم هيختفى خالص
لكن هى خايفه ليكون فى خطر عليها يجبلها تصلب فى الشراين اوى حاجه بعد الشر
فياريت حد يفيدنى فى الموضوع ده هى محتارة جدا وفى نفس الوقت الألم بيبقى جامد اوى
هو أينعم مش زى الأول لكن بردوا بيبقى صعب اوى ربنا مايورى حد
معلش يابنات حاجه كمان..هى لما مابيكونش فى ألم فى رجلها بتحس إنها بتنخ
يعنى مش بتقدر تتحكم فى العضلات بتاعة الرجل مش عارفين ليه
فلو حد متأكد من حاجه تقوى العضلات شويه ياريت يفدنى يبقى ليه جزيل الشكر
واسفه على الإطاله يابنات..
فى أمان الله
hagar mostafa 17 hagar mostafa 17 282153_39.gif سوبر فتكات Fatakat 282153 الاسكندريه – مصر
سبحان الله و بحمده