السلام عليكم
ازيكم بنات
بعد نجاح موضوعى الى فات عن التخسيس بالزبادى
قررت افيدكم من خبرتى
واقولكم عن طرقى الخاصه المجربه لزيادة الوزن
الاول
طبعا
الصلاة على سيدنا محمد سيد المرسلين
تانى حاجه
ادعولى بقى بنات ينعم عليه بالصحه انا وزوجى واولادى
ونروح البيت الجديد فى امان الله
شكرا ليكم قمرات
نيجى للمفيد
طبعا انا كتبتلكم موضوع عن التخسيس
ما انا فبل ما افكر اخس كنت عايزه اتخن
والله احنا تاعبين نفسنا
الافطار
دى اهم وجبه للى عايزه تتحن
لو فضلتى شهر تعملى الى هقولك عليه
ان شاء الله هتتخنى
بيض اومليت
المكونات
من 2 الى 4 بيضات حسب ما تقدرى تاكلى
انا كنت بعمل 3
فنجان صغير لبن
2 ملعقه كبيره خل 2ملعقه كبيره دقيق
حبة طماطم حبة فلفل
قطعة جبن اى نوع يتحمل النار
رومى شيدر موتزريلا
بس دى بنحطيها على الوش بعد ما تقلبى الاومليت
قطعة لانشون بسطرمه فراخ لحم
الى موجود فى الثلاجه من اكل امبارح مثلا
رشة ملح وفلفل
واضربيهم كويس
يعنى كأنها بيتزا سريعه
وعلى الطاسه الحاميه
وبعد ما تحطيه توطى عليه النار
وباعدين تقلبيه على الناحيه التانيه
واقعدى ادام التلفزيون بقى ونقنقى
وياريت تعملى معاه كوب عصير
طازج من فاكهة البيت
وبالهنا والشفا
ملحوظه ما حدش يقولى الخل بيخسس
ما انا عارفه فى ناس بتتلكك
الخل علشان الدقيق يدوب كويس فى الخلطه
تابعونى
علشان تعرفو باقى الوجبات
وما بين الوجبات
مدام انوشكا مدام انوشكا images/avatars/whiteflower.jpg فتكات رائعة Fatakat 296857 جزيرة بعيده – ام البلاد