السلام عليكم ازيكم يا فتوكات ياريب تكونوا بخير و يارب حد يفيدنى لانى قربت اتجنن بجد
انا مشاكلى النفسية كتير اوى اهمهم انى مش باعرف انام خالص غير بالعافية يعنى عشان ادخل انام لازم ادخل اضيع 4 ساعات او 5 على الاقل و انا باتقلب فى السرير يا كده يا مش هانام خالص فى يومى لرجة و الله انى باقعد اعيط من قلة النوم للحد ما تقريبا يغمى عليا من التعب و انام و تيجى بقه المشكلة الاكبر مش قادرة اصحى من النوم باقوم من مكانى بالعافية عندى استعداد افضل نايمة العمر كله و جسمى متكسر و باجى لى نفسى و اقوم و باحس بألم فظيع فى جسمى و كأنى مش كنت نايمة لا كنت باشتغل فى جبل باكسر حجارة او فى معتقل باتعذب حاجة كده على فكرة انا مش بابالغ و الله و كمان و انا نايمة باشوف حاجات غريبة اوى و احلام مش اقدرش احكيها حاجة بجد بتزود حزنى اكتر و بتحسسنى انى رخيصة اوى رغم انى و الله مش كده بالعكس انا الحمد لله على قدر من الاحترام و الاخلاق بدرجة عالية و بشهادة كل الناس الحمد لله انا مش باشكر فى نفسى بس حبيت اوضح لكم و باحلم كتير اوى بالدم و لما قالوا الدم بيفسد الحلم بقيت كل ما تصاب يبقى مكان الاصابة ازرق و ما ينزلش دم عارفة انه ممكن يكون عقلى الباطن بس انا بجد تعبانة اوى و باحس ان فيه حد بيعذبنى و نفسى اتسدت عن الحياة كلها و نفسيتى زفت و كل حاجة بدأتها مش عايزة اكملها لانى بجد بقيت مش باعرف اركز فى اى حاجة لدرجة انى النهاردة و الله طبعا ما نمتش غير فين قريب الصبح كالعادة و كان عندى دورة كمبيوتر و لازم اصحى بدرى صحيت بدرى و رحت بس ما اقولكمش بقه كنت قاعدة عينى بتغمض لوحدها لدرجة ان المحاضر خد باله و قال خدوا ريست يا جماعة عشان فيه ناس تعبت طيب ما انا باحاول انام فى البيت و مش باعرف ليه دايما النوم يجيلى فى المواصلات و المحاضرات بج بقينت مكسوفة من نفسى اوى و كمان عصبية جدا انا حاسة انى هاتجنن من التعب
ارجوكم حد يفيدنى لو كنتوا فهمتوا منى حاجة و جزاكم الله كل خير
أميرة فى أرض الاحلام أميرة فى أرض الاحلام 1055896_2.gif فتكات متميزة Fatakat 1055896 الاسكندرية – مصر