انا بنت واحده من ولدين المفروض ابقى مدلعه والكل فاكر كده بس للاسف عمرى ماشفت دلع دايما اخويا واخد الجو كله بابا بيحب اخويا الصغير واما بتحب اخويا الكبير وانا (ليا ربنا)
انا من الشخصيات اللى بحب نفسى اوى ولما بتعلق بحاجه مبعرفش اسيبها .. بس عمرى م اتعلقت بماما او بابا
واوقات لما بتحصل مشاكل بعيط جامد عشان بس ربنا بحس انه زعلان منى … لكن عشانهم(بحس انهم مش فارقين معايا وبحس انى بكرههم اوووى)
انا عندى 19 سنة وبقالى كتير تقريبا من بداية مرحلة المراهقه بمعدل كل اسبوع يحصل مشكله مع ماما بالذات لدرجة ان اى حد بقى يشوفنى بعيط يعرف ان ماما مزعلتنى
وعشان انا البنت الوحيده وبحب احكى لحد قريب ليا فبتبقى بنت خالتى اكبر منى بكتير وبخليها تصالحنى على ماما وهى كمان بتنصحنى
بس اغلب المشاكل بتبقى لان ماما عمرها ما فهمتنى ومع انها صغيره يعنى 45 سنة الا انها عايزانى اعيش فى زمانها
ودايما محسسانى انى عار على العيلة بتاعتنا ودايما محسسانى انى عيلة وعبيطه ومش فاهمه حاجه ودايما مش واثقه فيا ولا فى تصرفاتى
منكرش ايام المراهقه فى الاول كنت هبله لكن اول م دخلت الكلية عقلت جدااااا وعندى اصحب ملتزمين اووووى وانا بقيت اواظب عالصلاة واروح جلسات دينيه واقرى كتب كتير وبزاكر كويس اوووى
مع ان حتة المزاكرة دى ماما كانت بتشد عليا اووووى فيها ايام الثانوية العامة (كل يوم زاكرى زاكرى زاكرى) لحدم كرهت نفسى وكرهت الكتا
وبقيت بمعدل كل يومين انام وانا بعيط وارتعش جدا فى نومى ومبنامش طول الليل وبروح الكلية عشان اخرج من جو البيت وبس
بقيت مبحبشس اجتمع بيهم خالص وا اشوف حد هنا
لا ببساطه ماما عمرها ماسمعتلى ولا بابا دايما اروح اتكلم معاهم سيبينا عايزين نسمع روحى زاكرى معرفش روحى اعملى ايه مش فاضيين الواتى
لحد ما جالى كبت ومشاعرى بقت متبلده ومبقتش بحب ابصلهم خالص ورغم كل ده مش بلاقى حد اتكلم معاه وبرجعلهم تانى وبيحصل نفس الموقف
احكيلكوا حاجه..
من يومين كان عندى مشاكل فى الكلية وانا امينة اتحاد طلبة فى الكلية ف كل حاجه بتبقى على راسى اقرب حد من اصحابى توفى اسمها جهاد الله يرحمها كنت بحبها اوى واتاثرت اوى عشانها وجالى حالة نفسيه واكتئاب جامد لانها اداست تحت عربية دكتورة وكنت بحب اوى اتكلم مع حد وحد يبقى جنى لان كمان قبل وفاتها بيومين بابا العربية اتقلبت بيه وكان فى المستشفى وحالتة خطر وكانت الصدمات بتيجى ورا بعضها
بعد وفاة جهاد حلفت ارجع حقها وافضل ورا الدكتورة لاخر نفس حتى لو هموت ورا جهاد
وده عملى مشاكل مع الدكارتة فى الكلية
كنت باجى احكى لماما تقولى يووووووووووه مبتبطليش كلام يا الاء ارحمينى من موضوع لموضوع
يومها زعقت جامد وقلتلها حرام عليكى انا جالى حالة نفسيه وانتى مش واقفه جنبى
وقعدت تهزر معايا بعدها على اساس انى هروح احكلها تانى (بس طبعا مش هعملها تانى واروحلها)
الاغرب من كده انها بعد كل مشكله كبيـــــــــــــرة تقولى يا الاء خلينا صحاب وتعالى احكيلى وانا هسمعك محدش بيخاف عليكى ادى
(انا عارفه يا ماما ان محدش بيخاف عليا ادك بس انا مش عارفه اعمل ايه اكتر من اللى عملته وزهقت)
بقالى سنة فى مشكله اكبر حاجه ماما مش قادرة تقربلى فيها ولا تفهمنى ولا تحسسنى بالامان
((بحب واحد داخله فى السنتين هو فى تالته كلية ولساله سنتين ويتخرج ويجى يتقدملى اول ما عرفنى قال لمامته واخته وهما بيجوا يزورونى وبيحبونى اوى وبحبهم جداا وبعدين حصل مشكله واما عرفت اننا بنتكلم هو اتصل بماما وقالها انه عايزنى ومستعد يقرى فاتحه الواتى لكن ماما رفضت كنت لسه فى تالته ثانوى ومقدره خوفها عليا فى الفترة دى
وقالتله خلص كليتك وتعالى اللعه اعمل النصيب فين
سبنا بعض شوية ورجعنا تانى نتكلم
وكل مرة كنا بنحس بذنب ان ربنا مش هيباركلنا فى علاقتنا
ف كنا بنسيب بعض وكل مرة نسيب بعض نرجع بعدها باسبوع اقرب لبعض من اول
سبنا بعض يجى اكتر من 10 مرات وكل مرة بنرجع اكتر من اول ومبنقدرش نبعد
لدرجة بقيت احس ان ربنا عمره ما هسامحنى ولا هيغفرلى ولا عمرى بالبلدى هورد على جنه
سالت ناس كتير على قصتى ناس تقولى سيبيه وناس تقولى مادام حبين بعض كملوا مع بعض
وهتبقوا لبعض ان شاء الله مادام نيتكوا حلوة (مع العلم كل الاراء دى من ناس عارفين ربنا كويس ومتدينين ومبسالش اى بنت عادية ولا بسال حد عارفه انه مش هيفيدنى)
واخر مرةة سبنا بعض الترم الاول قبل الامتحانات بفترة واوال ماعرف انى مش بزاكر رجعنا عشان انجح وعشان اهلى ميقولوش هو اللى عمل فيا كده
زاكرت قبل الامتحانت بيومين والحمد للله جبت جيد جدا وانا مستوايا اعلى من كده كتير الحمد لله بس المشاكل كانت مقصره عليا جامد واللى خلانى اجيب تقدير بعا فضل ربنا وبعدين وقوفه جنبى وتشجيعه ليا
وكالعادة ماما متعرفش اى حاجه ولا جت تطبطب عليا ر7غم انى متاكده انها حاسه بيا وعارفه انا فيا ايه
واتكلمنا تانى لحد اما حست انى بتكلم فى التليفون وعملت معايا مشكله امبارح وقلتلها انى مش بكلم حد (ووكذبت ) انا بعترف لكن والله انا كرهتها ومبقتش حاباها تعرف اى حاجه عن حياتى
لسه فاكرين انى عيله وعمرهم ما كانوا واثقين فيا ولا ادونى الامان وعايزنى احكيلهم؟!
دايما اروح احكى لماما حاجه تقعد تزعقلى ههههه وبعدين تقولى خلينا اصحاب
صلى عالنبى يا ماما ده انا اتخنقت وبقيت احس انك مش ماما بقيت احس انك مرات ابويا
ده يوم م حبيت احكيلها عنه وانى بحبه وقلت هصارها ووالله نويت بجد انى مبقتش اخبى حاجه عنها ابدا كنت بموت ادامها وبعيط عياط مر اووووى وتعبنى بعدها اوووى وهى تزعقلى وتقولى هيحب واحده تانيه وانتى هتحبى حد تانى وهتنسيه
حتى ابويا مش ابوسا بقى جوز امى
والله ده اللى انا حاساه ومن غير مبالغه
وبعدين المشكله عدت امبارح وبرضو وقف جنبى وقالى انه مهما حصل مش هيسبنى وان شاء الله هنبقى لبعض
ومش بنتكلم موبايل اليومين دول رسايل بس عشان البيت وكده
اصلا اهلى واهله اصحاب اوى وطلعنا رحلة مع بعض واما قابلته وقعدوا يتكلموا مع بعض ومامته كلمت ماما عليا انهم عايزنى لي
ومنكرش انى شفت الفرحه فى عيون ماما بعد الرحلة وحتى هى قالت لبنت خالتى انها حبته اوى وانه حد محترم بس معرفش ليه هى بتعمل كده فيا
واتفرجت على مصطفى حسنى الصبح لقيته بيقول ان الواحد مهما عمل ربنا بيغفرله وربنا بيسامح اذا كان الكافر لما بيرجع عن شركه ربنا بيغفرله مش هيغفر ليا انا المسلمه؟؟
وقال ان فى قاعده لازم نمشى عليها وعجبتنى اوى هى ان امادم ربنا اداك الفرصه انك تركع وترفع ايدك او تسجدله وتقوله حقك عليا سامحنى معاناها ان ربنا فاتحلك ابواب رحمته وانا بيغفرلك ذنوبك
وان كل يوم لازم نتوب لربنا
انا استريحت اوى لكللامه لانى كنت تعبانه جدا امبارح
واستغفرت ربنا كتير ودعيتله يهيدنى ويهديه ويهدى اهلى ويفهمونى لانى تعبت بجد
الولد اللى بتكلم عليه كل يوم جمعه يكلمنى عشان يفكرنى اقرى سوزرة الكهف
وبيخلينى مضيعش اى فرض
وبيحافظ عليا وبيخاف عليا اكتر من اى حد
وساعات بحس انه بيخاف عليا اكتر من اهلى اللى عمرهم ما فكروا يتصلوا بيا لما اتاخر يطمنوا عليا
امبارح كنت بزور تيتا رجعت الساعه 11 هو زعل منى وعمل معايا مشكله انى اتاخرت لكن اهلى مفكروش يرنو عليا بس نص رنه عشان اتاخرت
انا اصلا مش فارقه معاهم
انا عندى امل ان ربنا يرضى عننا ويجمعنى بيه بعد تعب كبييييييييير اوى فى قلبى وسهر ليالى عشان اهلى مش فاهمنى حاسه ان ربنا عوضنى عن كل حاجه وحشه بيه والله
انا عارفه ان ناس كتير هترد وتقولى دى مامتك قربى ليها هى بتخاف عليكى
بصوا..انا جربت كل حاجه وبقى ربنا اقرب حد ليا وبعدين هو وبقيت كل م ازعل اتوضى واقرا قرءان واصلى ركعتين وبستريح
واما بحكيله واحس انه بيطبطب عليا بستريح اوى وبحس ان ربنا وهو احن عليا من اهلى اللى عمرهم ما فكروا يسالونى مالك؟
متزعلوش منى عشان بقول على امام وبابا كده والله دى الحقيقه
ووالله ما ضحكت عليكوا فى حاجه وبكتب الكلام ده وانا بعيط
انا مش معترضه على اهلى انا راضيه اوى الحمد لله بس لما بشوف امهات صحباتى وهما بيطبطوا عليهم بس ان ماما متنفعش تبقى ام ولا بابا ينفع يقى اب
مليش غير اخويا الصغير احنا اصحاب بس مش كل حاجه ينفع احكيهاله
واخويا الكبير عمرى ما صاحبته ولا اعرف عنه حاجه ولا يعرف عنى اى حاجه
اى واحده بتقرا كلامى تقرب لبنتها وتعاملها كويس وتحسسها انها كبيره اوى فى نظرها عشان والله
انا مصممه ان اى مشكله من المليون مشكله اللى حصلت فى السنين اللى فاتت كلها سواء انا اللى غلطانه او اهلى
سببها انهم عمرهم ماقربوا ليا ولا فهمونى
قربى لبنتك وحبيها وافهميها
عمر ابن الخطاب بيقول(لا تربوا اولادكم على عاداتكم فان ازمانهم غير ازمانكم)
امشى مع بنتك براحه عشان تطلع فخورة فيكى ادام كل الناس ولما تبقى حد كويس الفضل يرجع لربنا وليكى
وعشان كل اللى انا حكيته ده
انا مش عارفه العيب فيا ولا فى اهلى …..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
lolaa.fouda lolaa.fouda 817637_1.gif فتكات نشيطة Fatakat 817637 المنصورة – مصر