السلام عليكم ورحمة الله ,,,
انا طمطم اسمى فاطمة اولى جامعه
انا محتاجه دكتورة نفسية او حد اتكلم معاه لانى تعبانه نفسيا بجد عندى مشكله او دايما حاسه انى عندى مشكلة بس عمرى ما اتكلمت مع حد طول عمرى ببان قصاد الناس حاجه وانا حاجه تانية خااالص مع نفسى
انا حاسه انى دايما متلخبطة , دايما مش عارفه انا عاوزة ايه , يعنى حاسه انى ممكن احب حاجه وتانى يوم اكرهها احس انى معجبه بولد وبعدهها بفترة احس ان لا مش حاسه بحاجه ناحيته ,, ممكن ان اى ولد حلو او وسيم او شيك او كده يعجبنى وابقا حاسه انى بحبه وبعدها اشوف واحد تانى اتمنى انى اعرفه واحبه ,, مش عارفه انا عاوزة ايه ساعات بحس انى عمرى ما هحب ولا هلاقى اللى نفسى فيه انا اتحبيت كتييير اوى اوى من ناس كتييير جايما كل واحد فيه حاجه ناقصه مرة الشكل مرة الطريقة مرة المستوى والماديات ما انكرش ان فى منهم كنت بتمنى انى اعرفهم او انهم يحبونى ولما يحبونى خلاص بكتشف الحاجه الناقصه وببعد وجرحت ناس كتير اوى بسبب كده
كمان انا بحس انى معنديش ثقه اوى فى نفسى وفى جمالى مع انى الحمد لله جميلة وكل الناس بتقول كده واحلىى من غيرى كتير بس دايما ببص للى احلى منى واحس انى اقل منهم او للى اشيك منى او للى ملامحهم حلوه عنى او مستواهم اعلى منى "بس النقطة دى مش اوى " وكمان سااعات بحس انى فى الجامعه اقل من ناس كتير اوى واحس ان الناس شايفانى غير ما انا شايفه نفسى نفسى اعرف الناس شايفانى ازااى ؟؟؟
يوم بكون متفائلة ومرحه ومبسوطة وعندى ثقة فى نفسى اوووووى وماشية اقول يا ارض اتهدى ما عليكى قدى ويوم تانى لا خااااالص متشائمة ومش حاسه باى ثقة فى نفسى حاسه انى اقل واحده ماشية فى الجامعه او فى الشارع بحس ان محدش هيحبنى ولو حد حبنى مش هيكون اللى انا بتمنااااه
يعنى دلوقتى انا معجبه بوااااحد اموووور اوى اوى بس خايفه انا اكون مش عاجبااااه وخايفه حتى انى اقرب منه كعلاقه الزماله او الصداقة اللى بيننا لانى متعلقه بيه وخايفه اوى اتجرح او كده او احس ان فعلا ده اللى بتمناه بس هو ما يفكرش فيا خالص ولا اعجبه او يحبنى ؟؟
عندى كلام كتير اوى تانى بس محتاجه حد يكون دراس او دكتووورة ترد عليا فى الكلام ده وتتابعنى واحكيلها حاجات كتير اوى جوايا وحصلتلى وتكون محل ثقه بالنسبة لى وياريت الاهتمااام يا جماعه واشكركم جدا جد
tmatem.tmtm tmatem.tmtm فتكات حبوبة Fatakat 540047 العاشر من رمضان – مصر