فى حاجة قرأتها فى كتاب مشهوووووووور فى التنمية البشرية بتاع ستيفن ار كوفى الجزء ده عجبنى موووت لو كل اتنين بيحبوا بعض مشيوا على الاساس ده هتقل المشاكل جدااااا وهى فكرة بنك المشاعر ايوة فعلا كل واحد فينا عنده بنك والناس اللى حواليه بيحطوا وبيسحبوا منه بيحطوا ايه بقى؟ وبيسحبوا ايه؟
بيسحبوا ايه دى اسهل وهى طبعا بيسحبوا من رصيدهم اللى عندنا لما نزعل منهم او نضايق من اى غلطة منهم فى حقنا والسحب ده ممكن يقل لو حصل بعديه اعتذار رقيق من القلب من جوا جوا خالص اما بيحطوا ايه فهما بيحطوا حاجات كتير والايداع ده مبنى على اساس 6 حاجات مهمين اووووووووى
اولا:فهم الفرد لمفهوم الايداع عنده يعنى لازم انى افهم اللى حواليا ايه ممكن يسعدهم ويفرحهم لأن مش لازم يكون اللى بيسعدنى هو اللى بيسعدهم يبقى افهم الاول ايه المواقف الحلوة اللى ممكن اعملها تعلى رصيدى عندهم.
ثانيا:التوقعات اللى انا متوقعة ان الشريك التانى المفروض يحققها لى لازم اقول عليها يعنى احاول اوصل لحبيبى انا ايه المتوقعاه فى علاقتنا وايه احتياجاتى اللى نفسى يسدها لى علشان هو كمان رصيده يزيد عندى
ثالثا: الثقة ودى طبعا مهمة جدا ان رصيد الثقة يكون دايما عالى بينا علشان لو قدر الله حد غلط وهز ثقة حبيبه فيه يكون ليه رصيد عنده انه يسامحه ويعرف انها كانت غلطة عابرة مش سلوك دائم
رابعا: الامانة الشخصية يعنى الواحد ميتكلمش على حد وحش قصاد اللى بيحبه علشان ميشكش انه هيجى اليوم اللى هتتكلمى فيه عليه
خامسا: الوفاء بالعهود وطبعا دى مش محتاجة توضيح
سادسا واخيرا: الاهتمام بالامور الصغيرة زى اللباقة والاحترام فى الحديث لأن ممكن كلمة صغيرة تكون مش لطيفة تتقال من حد للتانى تجرح اووووى وتسحب من الرصيد كتيييييير
واكيد لو كل واحد اهتم بالايداع فى رصيد المشاعر اى مشكلة ممكن تعدى من غير ما تاخد حجم اكبر من حجمها والواحد اكيد هيفتكر الحاجات الحلوة الكتيييير اللى هتنسيه المشاكل والهموم
dr chocolate dr chocolate 557504_1.gif فتكات هايلة Fatakat 557504 جدة – السعودية
سبحان الله و بحمده