السلام عليكم ورحمة الله وبركاته
اخباركم ايه يا فتوكات يارب تكونو كويسين
انا جايه مخصوص افيدكم بشويه حجات انا استفدتها من كتاب اشتريته
الاول اعرفكو بنفسي
انا شخصية عصبية جدا ومتهورة ومندفعه ولما بندفع بتكلم بصوت عالي وعنيده جدا
واكيد مننا كتير كدا ونفسه يغير من نفسه
لان العند والعصبيه والصوت العالي مبيجبوش اي نتيجه
وياما حاولنا نجذب ناس في صفنا بالطريقة دي ومعرفناش
وفي نفس الوقت البرود التام وحش اوي في التعاملات
انا بقا قررت اني اقرا شويه في تنمية بشرية
وروحت اشتريت كتاب حلو اوي اسمه قوة التاثير
وبجد بجد استفدت منه اوووووووووووووي وطبقت منه حجات وفعلا انا مصدومه انها جابت نتيجه
أننا هقولكو مقتطفات من الكتاب وقريب ليا باك اكتبلكو مواضيع رئيسيه من الكتاب وشرح ليها
انا هتكلم عن الاسلوب الى تستخدميه وخاصة مع جوزك او حبيبك او خطيبك
لو عايزه تسبتيه في حاجه كدا نفسك فيها وعرفه انه هيرفض
ادخليله داخله كدا جامده
قوليله انا هطلب منك طلب وعرفه انك عمرك ما هترفضلي حاجه
عشان انت بتحبني ونفسك تعملي اي حاجه تسعدني وتروحي قايلاله الى عندك وتحاولي تتكلمي بشويش كدا
وبحنية
اقولك انتي في الاول ليه قولتي المقدمه دي
هقولك ياستي
عشان اي شخص فينا لو اعدتي تقنعي فيه بحاجه معينه هيقتنع ان هيا فيه
زي مثل بسيط اوي
بيقولك واحد رايح يقابل تلاته من صحابه
اول ما شافوه واحد قاله انت مالك تعبان كدا ليه يا ابني
والتاني قاله وشك مصفر اوي
والتالت قاله لا شكلك خاسس خالص لازم تروح لدكتور
فـ الشخص دا اعتقد مليون فالميه انه هوا فعلا عيان وراح قايلهم اه اصل انا تعبان شويه
فـ الى عايزه اوصلهلكو انك لو اقنعتي جوزك بحاجه معينه واعدتي تكرريها كل يوم
بتوصل للمخ عنده وبتخليه يقتنع بيها
يعني مثلا انتي ممكن تيجي كل يوم لجوزك وتقوليله
انا عرفه انك بتحبني اووووي ومتقدرش تستغنى عني عشان انا ماليه عينك
لكن متجيش تقوليله انا خايفه انك تبص لحد غيري اووووعي تخليه يحط حاجه في دماغه
لأ انتي اقنعيه بحاجه وسبتيها في دماغه
ومثلا تقوليله انا عرفه انك بتبقا عايز تخرجني كل اسبوع وتفسحني وتخلليني اغير جو
وانت مبيبقاش عندك وقت واكيد بتحاول تفضي وقت ليا عشان تخرجني
وانا ياحبيبي مقدرة حاجه زي كدا وفرحانه انك بتحاول تبسطني
هتلاقيه من نفسه فرح اووووي وممكن يحاول يخرجك فعلا
دا غير بقا انك تاعدي تبرزي ليه صفاته الحلوه حتى لو مش فيه
عشان هوا يقتنع انها فيه ويحاول يعملها
يعني مثلا انت كريم اوي وبتجبلي الى انا عيزاه انت رومانسي
انت شخصبتك قويه وليك كلمتك انت انت انت انت ..
صدقيني هتلاقيه اقتنع بكدا مليون في الميه
المهم اانا طولت عليكم بس انا استفدت جدا من الطريقة دي
وبجد عملتها مع خطيبي في حجات كتير وفعلا هوا لاحظ بالتغير معايا
حتا لما بطلب منه طلب بقا بطريقة حلوه وزوق
جربي وقوليلي عملتي ايه
وانا ان شاء الله وعد مني هنزلكو موضوعات زي دا وفيها مواقف وامثله
عشان تجربوها
سلام يا قمرات
♥ Яonita ♥ ♥ Яonita ♥ 565421_8.gif سوبر فتكات Fatakat 565421 الزقازيق – مصر