السلام عليكم ورحمة الله وبركاته
انا هطول عليكم شويه بس سامحونى . عندى ابنى عنده 5 سنين وفى مشكلتين لسه بدأين معاه مش عارفه اعمل ايه فيهم الاولى انه بيألف عليه وبيسرح بيه فالكلام وبيحكيلى حاجات محصلتش أو ده كدب مش عارفه تفسيره بالظبط وخوفناه كتير من الكدب وقلتله ان ال بيكدب ربنا بيحرقه ومش بيدخله الجنه بس هو لسه مش مدرك الموضوع أوى بيقولى ايه يعنى أو انا أقوى حاجات كده يعنى . والمشكله التانيه انه بيدى صحابه فالمدرسه فلوس وبياخد منهم بالرغم ان باباه بيديلوه كل يوم مصروف كويس وبيجيب الى هو عاوزه وكمان بديله حاجات حلوه معاه ولما سألته ليه بتعمل كده قالى انا اديت واحد صاحبى فلوس لأنه مش بيجيب فلوس معاه و انه بياخد قالى عادى صاحبى بيدينى . وانا مش عاجبنى خالص انه بياخد لاكن انه يدى صاحبه ديه حاجه كويسه طبعا مفيهاش مشكله وقلت لباباه بلاش تزعقله أو تضربه لأنه ممكن ميحكلناش حاجه . ارجوكم فيدونى فالمشكلتين دول
حبيبة حبيبي وام ولاده حبيبة حبيبي وام ولاده 564895_9.gif فتكات هايلة Fatakat 564895 القاهره – مصر