السلام عليكم و رحمة الله و بركاته
الاخت الحبيبة ا.شيماء اشكرك جدا علي المجهود الرائع اللي بتبذليه
اسال الله ان يجعله في ميزان حسناتك
قبل ما استشيرك عاوزة اقول لك حاجة و لكل الناس
اللي جعل نفسيتي تتغير و تتحول للاحسن هو الله جل جلاله
كل ما ادعوه يعطيني و احيانا كثيرة يعطيني بلا طلب و يعطيني منحة كبيرة جدا بعد الاستغفار فله الحمد من قبل و من بعد
انا لي استشارة…….
انا باعامل نفسي غلط باعاملها باللوم دايما و عارفه ان ده غلط جدا و انه تفكير سلبي و انه معوق رئيسي للنجاح وللثقة بالنفس اللي هي سعادة الانسان و اعرف طرق تفكير تانية كتير ايجابية في التعامل مع المواقف اللي انا بافسرها غلط زي مثلا لو اني عملت شئ بطريقة مش عاجباني الوم نفسي مع ان التفكير الايجابي هو اني بدل ما الومها اعتبر دي تجربة استفيد منها و تكون خطوة اولي في طريق نجاحي و بالتالي تتشكل عندي خبرة ضخمة وهكذا و انا عارفة سبب ده هي طريقة التربية و النشأة .
اسال الله ان يجعلك سبب انك تدليني ازاي اتخلص من طريقة التفكير السخيفة دي خالص و اعيش حياتي و اتمتع و انجح لما بابطل طريقة التفكير السلبية باعيش سعيدة و باحس بالانجاز في حياتي.
علي فكرة انا لسه بادئة احب نفسي و ادلعها قريب اوي وده فرق معايا كتير اوي و ده كان بعد استغفار.
محبة طيبة محبة طيبة 195515_1.gif فتكات متميزة Fatakat 195515 بلدي – مصر