اولا احب اشكر كل اللى هيساهموا معايا بردودهم لانى فى الاول والاخر بحاول انقل صورة انا شيفاها حابه كل الناس تعرفها وخصوصا البنات
مش هطول عليكم وهدخل فى الموضوع
الموضوع بيدور حول تقييمك لنفسك ولاخلاقك ولتصرفاتك اللى بتقومى بيها فى حياتى
وليه انتى بتعملى كدة هل علشان انتى مقتنعه بدة والا علشان نظرة المجتمع
ولحد امتى هنفضل نعمل علشان غيرنا وننسى نفسنا
هبدا معاكوا خطوة خطوة من ساعه ما انتى بيكون فى ايدك قرارك
1) هل انتى بتتحجبى علشان انتى مقتنعه ان دى طاعه لله والا علشان المجتمع
2)هل انتى بتكملى تعليمك وتدخلى جامعه انتى مش مقتنعه بيها او مش حباها علشان رغبه اللى حواليكى والا شكل اجتماعى ارضائا للمجتمع
3)هل معاملتك لزملائك من الشبان عن قناعه من شخصيتك والا تحت ضغط من تقاليد مجتمعك
4)هل بتختارى طريقه لبسك عن قناعه والا علشان اللى حواليكى عاوزين كدة
5)هل بتختارى شريك حياتك وبتصرى عليه مهما كانت امكانياته والا بتنقى المقتدر علشان ظروف الحياه وكلام الناس وخوفا من الفقر
6)هل بتعيشى حياتك تقررى مصيرك بارادتك والا حد بيحول حياتك وشخصيتك تحت ارادته هو
7)هل بتربى اولادك بطريقتك والا باللى المفروض علشان بس الناس ونظرة المجتمع
8)هل بكدة ممكن يطلع عندهم شخصيه مستقله والا هيبقوا تابعين وبس
9)هل هتصاحبيهم والا هتجبريهم انهم يخبوا عنك لانك خايفه تعرفى انهم بيعملوا حاجه غلط
10)هل بعد كل دة فى الاخر هترضى عن حياتك والا لا
عزيزاتى
طبعا ممكن تكونوا معرفتوش لحد دلوقتى انا اقصد ايه
بس اللى انا اقصده سهل وبسيط وكل ما فيه انك تجاوبى على اسئله (هل)العشرة بنعم اولا وتعرفى انتى ليه بتقعى تحت كل الضغوط دى وليه انتى من اول الامر متحكميش عقلك وقلبك وتعملى الصح من وجهه نظرك بدل ما تخللى مجتمع اعمى واصم وابكم يتحكم فيكى
شكرا ليكم
اخصائيه اجتماعيه اخصائيه اجتماعيه 159997_1.gif فتكات حبوبة Fatakat 159997 الجيزة – مصر
سبحان الله و بحمده