بسم الله
انا مش عارفه ابدا منين ولا ازاى بس اللى هقوله مش جديد واتقال فى القسم ده كتير المشكله الكبرى فى السنوات الاخيره (ابنى وتاخره فى الكلام)
انا بطلب من الاخصائيات فى التخاطب اللى بشوف نصايحهم وردودهم للامهات هنا فى القسم انهم يساعدونا فى معرفه مشكله اولادنا ايه بالضبط عشان كده عايزين نرتب كلامنا يعنى كل ام
تقول لنا :1-سن الطفل ونوعه وترتيبه مع اخواته وهل مغتربين ولا لأ
2-بيروح حضانه ولا راح وبطل ولا مراحش خالص
3- عرضتيه على اخصائى تخاطب؟ –اختبار الذكاء كام؟
4-المشكله ايه عنده بالضبط فى اللغه يعنى (بيقول كلمات بس ولا جمل ولو جمل بتبقى من كام كلمه –طريقه الكلام ازاى طبيعيه ولا كانه زى الكمبيوتر كده كلامه مفهوش لهجه زى لهجه السؤال مثلا-هل بيكرر الكلام زى الببغاء من غير وعى –هل بيكرر جمل او كلمات اتقالت على مدار اليوم منك من غير اى فايده مع نفسه كده-هل بيقول كلام مش المفروض يتقال فى اى وقت؟-لو سالتيه سؤال هل يقدر يرد بكلمه( نعم او لا) –لو انتى فى غرفه تانيه ممكن ينادى عليكى او على ابوه مثلا –الحصيله اللغويه اخبارها ايه؟5-مزايا الطفل من وجهه نظرى كأم يعنى (اجتماعى –تنفيذ الاوامر –حركته كتيره ولا عادى ولا هادئ _فى تواصل بصرى مع الام والاب واى شخص غريب-حنون يحب الاحضان –مرح )
6_عيوب او سلوكيات سيئه فى الطفل (عصبى لاتفه الاسباب _عنيد- متقدريش تسبيه من ايدك لو خرجت معاه فى مول مثلا عشان لوناديتى عليه مش هيرد ويرجع-مش بيعرف يلعب مع اطفال فى سنه_مخرب فى البيت )
ولو حد عنده حاجه عايز يضيفها عشان الكل يستفاد لان فى ناس كتير ممكن تكون حاله ابنها مشابهه لحاله ابنك ودايخه عشان تعرف نتعامل مع اولادنا ازاى
رحمتك ياربى … رحمتك ياربى … فتكات حبوبة Fatakat 889230 الرياض – السعوديه