السلام عليكم ورحمه الله وبركاته ازيكو يا جماعه كل سنه وانتو طيبين وربنا يبلغنا رمضان جميعا ياااااااااااااارب بعد أذنكو انا عايزه الى يقرأ موضوعى ميضايقش عشان الاطاله انا اسفه انا كنت عايزه بس استفسر عن حاجه انا يا جماعه عندى 21 سنه وعندى مشكله انى البريود مش منتظمه خالص وبقالها حوالى 5 شهور ملغبطه يعنى مثلا ساعات تتأخر فتره ومتجيش وساعات تيجى مرتين فى الشهر وضعيفه يعنى ملغبطه خالص من الاخر فا انا طبعا قلقت عشان الموضوع ده وبعدين قلقلت اكتر لما لقيت بينزل من صدرى ماده كده زى مياه وملزقه وحصل كتيير الموضوع ده فا سألت ماما عليها قالتلى ده واضح انه هرمون الحليب عالى مع العلم أنى بنت لسه وبجد مستغربه من الى انا فيه ده لدرجه انى لاحظت انى صدرى اتنفخ ومبقاش فى حجمه الطبيعى فا طبعا قولت مابدهاش ما صدقت خلصت امتحاناتى وروحت النهارده عند دكتوره نسا ودخلت وشرحتلها طبعا الموضوع فا قالتلى هعملك سونار على الى الرحم عشان تشوفه حجمه كويس ولا لاء فا عملتلى فعلا وكشفت على صدرى فا ماما سألتها رأيك ايه وكده فا قالت جمله ضايقتنى بجد قالتلها دى بنتك عندها لبن جامد فى صدرها عامله زى الواحده الى بترضع طبعا يا جماعه انا اضايقت جدا وحسيت أن فى حاجه وحشه فيا لأن انا اسمع ان الهرمون ده لما بيبقى عالى غلط جدا فاسألنهاها ايه الحل وكده ؟ راحت قالتلنا اعملوه تحليل هرمون وتعالو كمان يومين خدو النتيجه فا انا سألتها قولتلها يعنى فى حاجه فيا كده ولا ايه قالتلى اما يطلع نتيجه التحليل هنعرف لو النسبه بتاعت الهرمون أزيد من 100 يبقى فى مشكله فى الغده النخاميه وروحت فعلا عملت التحليل ولما رجعت عملت سيرش على النت وكده عشان اعرف علاقه الغده النخاميه بالهرمون ده ايه ؟ لقيت يا جماعه كلام خوفنى اوى لقيت بيقولو لو النسبه من 50:60 يبقى مشاكل فى التبويض ولو النسبه من 100:150 يبقى فى شك انى فى ورم فى الغده النخاميه دى وساعتها لازم اعمل أشاعه على الغده يعنى اشاعه على الدماغ وممكن يبقى فى جراحه وأستأصال وكده طبعا انا خوفت جدا فا بالله عليكو عايزه حد يطمنى يقولى مثلا كان عنده المشكله دى مثلا واتحلت ولا لاء ربنا يكرمو ويجازيكو خير يااااااارب واسفه جداااااااااا على الاطاله ……
mero u mero u images/avatars/orangeflower.gif فتكات حبوبة Fatakat 814745 القاهره – مصر
سبحان الله و بحمده