اناا الحمدلله على كل شى عندى حساسية كل سنة شكل بس لازم بتجيلى فى وقت الصيف او وقت الربيع مرة من الفراولة ومرة من الموز ومرة من الشيكولاته ومرة من الشمس ومرة من الرملة بتاعت البحر ومرة من الجبنة الرومى ومرة من اللبن ومرة البيض والسنة دى او بمعنى اصح من امبارح جاتلى حساسية من المانجة المانجة دى عشيقى الوحيد انا قلت يمكن بيتهيلى اكلت امبارح واحدة عشان كان الفرى بتاعى وافتريت عليها ولغوصت وشى اصل بابا لما بيجيب المانجة بيبقى ليها طعم معين غير لما ماما بتشترى هى بتجيب من نفس الراجل ونفس السعر بس بابا كدة بيجيبها مانجة مدية على بطيخة مستهبلة المهم اكلت ولغوصت نفسى ولاقيت وشى بياكلنى اوى قلت عادى يمكن المانجة عشان لحوست وشى بتاكلنى شوية رجلى طلع فيها حاجة حمرا وبتاكلنى وانا ليسه مخلصتش المانجة طنشت وكملت النهاردة بقى قلت دايت مش دايت حاكل مانجة برضوا وافتريت ولاقيت وشى ورجلى وضهرى وجسمى فى كل مكان هرش وانا ليسه باكل طنشت وكملت وخلصتها ورايحة لبابا ملحوسة وبقله بص طلعلى ايه قلى حساسية من المانجة قلتله يعنى مش حاكلها تانى قلى اه قلتله يعنى حتحرمونى منها واعدت اعمله فيلم الحرمان قلى مش احسن من الجرب اللى عملاه فى نفسك دلوقتى بقى انا اعمل ايه فى الحساسية الى بتيجى دى بروح لدكتور بيدنى مرهم موقت ملهاش حل نهائى عشان كدة كتير كدة اوفر بتجيلى حساسية من الحاجة اللى بحبها حتة الشمس بحبها اوى وبحب اقف فيها وخاصة فى المصايف جالى حساسية منهاياريت لو حد عنده حل يقلى
ozeyessa ozeyessa 57835_4.gif فتكات رائعة Fatakat 57835 دار السلام – مصر ام الدنيا
سبحان الله و بحمده