السلام عليكم
هدخل فى الموضوع علطول
انا ولله الحمد حامل فى الشهر التانى كنت بحس فى الاول بنبض فى بطنى ودلوقتى راح وكنت بحس فى وجع فى جنبى وبرده دلوقتى راح
ووقعت على ايدى مية مغلية وحطيت مرهم للحروق اسمه درامازين وبعدين قريت انه مش كويس للحوامل علطول جبت واحد تانى والصيدلى قالى هو مركز بس مدام انتى فى الاول ان شاء الله ميكونش حصل حاجه
انا الوساوس هتقتلنى والشيطان عمال يقوللى حصل حاجه
استعغفر الله العظيم يارب
لانى اكلت كبده اول يوم العيد وبعدين قريت عالنت ان الكبده مش كويسة وواحده صاحبتى قالتلى متصدقيش كل الى يتكتب عغالنت لانى وانا حامل كنت باكل كبده كل شويه وولدت ولد ماشاء الله زى القمر
انا دلوقتى عوزه حد خبرةةةةةةةة يفهمنى
ارجوكم يا دكاترة فيدونى وقولولى
المهم دلوقتىى هل طبيعى ان وجع الجنب ده يروح وهل طبيعى اننى مبقاش حسه بنبض او اى شىء فى بطنى وشهيتى كانت مفتوحه جدا دلوقتى يعنى مش باكل اوى
حد يفسرلى ده من ايه
وكنت عوزه اسئل هو انا لو جبت بيبى تشيك الاختبار المنزلى يعنى وظهرلى خطين ده معناه ان الجنين بخير ؟؟؟
يعنى سؤالى لو لقدر الله الجنين حصله شىء وانا عملت التحليل المنزلى هيظهرلى برده خطين ؟
وبالله عليكم تدعولى ربنا يثبت حملى ويرزقنى بطفل سليم معافى لانى بتمناه من زمان
sara_128 sara_128 فتكات نشيطة Fatakat 514561 الجيزة – الجيزة