السلام عليكم ورحمة الله وبركاته
اولا شكرا جزيلا يا فتكات على القسم ده واللي بيطمن كتير من الفتوكات
وربنا يجزي كل القائمات على مساعدة العضوات
واستأذنكم محتاجة استشارة طبية في مجال النسا
انا ولدت طفلي الاول بفضل الله اخر شهر 8 اللي فات
يعني بقالي تقريبا 4 شهور ونص
وفترة النفاس اعدت معايا 18 يوم
المشكلة بقى ان الحيض من ساعتها مش منتظم
وانا باخد لمنع الحمل اقراص كل يوم
واحيانا باخده بعد معاده بساعه ولا اتنين
ومن اسبوعين كده ماخدتش القرص يوم وبعدين كملت عادي
واللي قالقني ان الدكتورة قالتلي ان اول 14 يوم من اخد العلاج ممكن يحصل حمل
فهل بتركي البرشام يوم واحد يبقى كأني باخده من الاول وابقى اول 14 يوم معرضه لحوث حمل؟؟ …. دي حاجة
الحاجة التانية : ان الحيض زي ما قولت غير منتظم
يعني الحيض جاني بعد النفاس 4 مرات
فرق بين كل مرة والتانية مرة 20 يوم ومرة 12
وهكذا
اول حيض اعد 13 يوم
والثاني 3 أيام
والثالث 10 أيام
والرابع 4 أيام تنقيط كل يوم نقطة ولا اتنين(نقطة كبيرة شويه)
مع العلم ان الحيض قبل الزواج وقبل الحمل كان مدته 5 ايام
والنهاردة نزل عليا دم تقيل بس مش كتير
واخر حيض جاني من 12 يوم وكان 4 ايام وعبارة عن تنقيط
زي ماقولت
السؤال بقى .. هل ممكن يكون ده حمل ؟؟
يعني لو عملت اختبار بالبول هيبان ؟؟
ولو عرفت من اختبار الحمل بالبول انه مش حمل هل الوضع ده عادي ولا محتاجة اني اروح لطبيبة نسا ولا ايه ؟
ارجو من طبيبات النسا والعضوات الخبرة تفدني لاني قلقانة
القلق مش من حدوث حمل
(كل شئ بقدر الله)
انتو طبعا عارفين ان في فترة الحيض الواحدة بتنقطع عن الصلاة
وانا خايفة اكون بنقطع عن الصلاة وانا مش حائض
وجزا الله كل من تهتم بأمري كل خير
tota_toto tota_toto فتكات حبوبة Fatakat 334630 الهرم – مصر