سلامو عليكو يا امهات انا مشتركه ف جروب عالفيس بووك ف ام من الامهات بتحذر من الشيبسى
ده منقول .. ابنى محمد اتعرض لنفس الموقف ده شهر 12 – 2024
وفضل يتنفخ وجسمه كله بقع أحمر واتصلوا بي في المدرسه أخدته ووديته بسرعه للدكتور إداله حقنه كورتيزون وعلى بليل كان ازرق واتنفخ زياده رحت بيه لدكتور تاني لأن جلده ازرق .. الصبح كان بيتخنق وازرق كلمت الدكتورين قالولي وديه الحوض المرصود وبسرعه أخدناه كان الولد بيطلع في الروح وكان جسمه منفوخ لدرجه انه مش عارف يتني ايده ولا يقف على رجله ولا يتنفس
والدتي حجزت بسرعه عند د . ندى في عماره استراند مستعجل ولما المرضى شافو الحاله بتاعة محمد ابنى .. سمحولي بالدخول .. والحمد لله اداله دوا وعلى اخر النهار كان فش .. كان واكل شيبسي برضه بتاع فوكس خلو بالكم
_______________________________________________
السلام عليكم ورحمة الله وبركاته.انا نفسيتى تعبانه جدا واعصابى سايبة لسة جايلى خبر دلوقتى ان ابن صاحبتى عنده 3 سنين توفى وكان زى الملاك الله يرحمه.بقاله 3 ايام فى غيبويه يا حبيبى.عارفين السبب ايه؟ كيس شيبسى اكله زيه زى اى طفل .اكله من هنا ووشه ازرق ومش عارف ياخد نفسه واتنقل المستشفى ومش دريان بالدنيا الله يصبر امه لانها فى حاله صعبه جدا. ده غير الصدمة اللى اتصدمتها دلوقتى انى كنت بتفرج على برنامج وائل الابراشى قبل ميجيلى الخبر وكان بيتكلم على الشيبسى المسموم اللى مالى السوق ومينفعش للاستخدام الادمى .بقيت هتجنن .تخيلو فيه ناس معندهاش ضمير للدرجه دى.شيبسى مدة صلاحيته انتهت من فتره ولسة بينزلوه السوق والضحايا فالاخر الاطفال الصغيرين اللى ملهمش ذنب.حسبى الله ونعم الوكيل. انا دخلت عشان اعرف كل واحده هنا عشان تخلى بالها من اطفالها بلاش شيبسى خالص وتحذرى ولادك واى حد تعرفيه من حاجة زى دى.وربنا يحمى اولادنا يارب.
الامهات تاخد بالها من اولادها.وربنا يرزق كل ام بالذرية الصالحة ويرزقنى انا وكل مشتاقة يارب العالمين.
hobh_4 hobh_4 251978_6.gif فتكات ست الكل Fatakat 251978 القاهرة – مصر