فى البداية أحب أقولكم انى متأكدة من المعلومات دى مليون فى المية وربنا شاهد على كلامى
أنا قريبنا عندة مجزر فراخ واللى ميعرفش المجزر دة عبارة عن مكان كبير بيدبحوا فية فراخ بس بكميات وبيوردوها للمطاعم والمحلات اللى بتبيع مجمد وكدة
المهم هو قالنا الكلام دة اللى هقولة بالحرف وانا والله مصدقتوش الا لما روحنا زورناة صدفة عشان جوزى كان بيفكر يدخل شريك معاة وشوفت بنفسى اقسم بالله
قالنا اية بقى
ان الفراخ بعد ما بيطلعوا الصدور لوحدها والجناحات لوحدها والوراك لوحدها بيتفضل الرأس وعضم القفص الصدري وشوية جلد وطبعا كميات كبيرة جدا
وفية ناس مخصوص بيلفوا عالمجاز بيشتروا الكميات دى من عضم القفص الصدري والرأس والجلد وبيعملوا منها اية بقى
كل انواااااااااااااااااااع السجق اللى بنشوفها
والهمبرجر
والحواوشى
والكفتة المجمدة
والانشون
والسوسيس
والهوت دوج
وطبعا بعد اضافة البصل وتوابل خاصة لكل نوع
وحتى شركات كبيرة وليها اسم ومش عارفة اذكر اسماء ولا ممنوع
المهم الشركات الكبيرة دى بتعمل نفس الخلطة وليها موردين من المجازر دى وقريب جوزى دة بيورد لشركات معروفة جدا وبنثق فيها
حد بقى سأل نفسة ازاى كيلو السجق ب 20 ج واحنا فاكرينة لحمة
دا كيلو المستورد دلوقتى بقى ب 35 ازاى بقى هيبعوا كيلو السجق ب 20 غير مصنعيتة ومكسبهم
حد سأل نفسة طبق الكفتة المجمد الكيلو ولا البرجر بيبقى ب 18 ولا 20 اكيد مستحيييييييل يكون لحمة
حتى بتوع الكشرى بيشتروا الخلطة الهباب دى وبيحطوها فوق طواجن المكرونة واحنا مفكرينها لحمة
بجد احنا بناكل وبنأكل عيالنا حاجات ما يعلم بيها الا الله وخطر جدا
ارجوكم امنعوا الكوارث دى وحافظوا على صحة اطفالكم وصحتكم دى بجد حاجات خطيرة جدا
ومتاكلوش الا اللى معمول فى البيت
اللهم انى بلغت
doda admm doda admm 613627_3.gif سوبر فتكات Fatakat 613627 القاهرة – مصر